ചങ്ങനാശേരി: വേളാങ്കണ്ണി–ചങ്ങനാശേരി കെഎസ്ആർടിസി ബസും ലോറിയും കൂട്ടിയിടിച്ച് അപകടം. ഏഴുപേർക്ക് പരിക്കേറ്റു. തമിഴ്നാട്ടിൽ തഞ്ചാവൂരിനു സമീപത്താണ് അപകടമുണ്ടായത്.(KSRTC bus collides with lorry; Seven people were injured)
ചങ്ങനാശേരി ഡിപ്പോയിലെ വേളാങ്കണ്ണി സ്വിഫ്റ്റ് ഡീലക്സ് ബസാണ് ലോറിയുമായി കൂട്ടിയിടിച്ചത്. പരിക്കേറ്റവരെ തഞ്ചാവൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വേളാങ്കണ്ണിയിൽനിന്നു യാത്രക്കാരുമായി ചങ്ങനാശേരിയിലേക്കു പുറപ്പെട്ട ബസും എതിരെയെത്തിയ ലോറിയും കൂട്ടിയിടിക്കുകയായിരുന്നുവെന്നു പൊലീസ് പറഞ്ഞു.
ബസിൽ 40 യാത്രക്കാരാണ് ഉണ്ടായിരുന്നത്. ബസ് ഡ്രൈവർ ജിമോദ് ജോസഫിന്റെ തലയ്ക്ക് ഗുരുതര പരിക്കേറ്റു. തമിഴ്നാട് റജിസ്ട്രേഷൻ ലോറിയുടെ ഡ്രൈവറുടെയും പരിക്ക് ഗുരുതരമാണ്.
