മലപ്പുറം: ഓടികൊണ്ടിരുന്ന കെഎസ്ആർടിസി ബസ് തലകീഴായി മറിഞ്ഞ് അപകടം. നാൽപ്പതോളം പേർക്ക് പരിക്കേറ്റു. റോഡിൽ നിന്ന് പത്തടി താഴ്ചയിലേക്കാണ് ബസ് മറിഞ്ഞത്.(KSRTC Bus overturnes in malappuram; 40 passengers injured)
കോഴിക്കോട് തൊട്ടില്പ്പാലത്തുനിന്ന് തിരുവനന്തപുരത്തേക്കു പോകുന്ന സൂപ്പര്ഫാസ്റ്റ് ബസാണ് അപകടത്തിൽപ്പെട്ടത്. ഞായറാഴ്ച രാത്രി പതിനൊന്ന് മണിയോടെയാണ് സംഭവം. ദേശീയപാത നിര്മാണം നടക്കുന്ന സ്ഥലത്താണ് അപകടമുണ്ടായത്. അറുപതോളം യാത്രക്കാർ ബസ്സിലുണ്ടായിരുന്നു.
നാട്ടുകാരും മറ്റു വാഹനങ്ങളിൽ സ്ഥലത്തെത്തിയവരും ചേർന്നാണ് രക്ഷാപ്രവർത്തനം നടത്തിയത്. തലകീഴായി കിടന്നിരുന്ന ബസിൽ നിന്ന് ഏറെ ശ്രമകരമായാണ് ആളുകളെ പുറത്തെത്തിച്ചത്. പരിക്കേറ്റവരെ തിരൂരങ്ങാടിയിലെയും സമീപത്തെയും ആശുപത്രികളില് പ്രവേശിപ്പിച്ചു. അഞ്ചുപേരെ കോഴിക്കോട് മെഡിക്കല് കോളേജിലേക്ക് മാറ്റി.
