ഇടുക്കിയിൽ കൃഷിഭൂമിയിൽ നിന്ന ചന്ദനമരം മുറിച്ചുകടത്തി; മോഷണം കർഷകർ ദീപാവലി ആഘോഷത്തിന് തമിഴ്‌നാട്ടിൽ പോയ തക്കത്തിന്

ഇടുക്കി രാമക്കൽമേട്ടിൽ സ്വകാര്യവ്യക്തിയുടെ പുരയിടത്തിലെ ചന്ദനമരം മോഷ്ടാക്കൾ മുറിച്ചുകടത്തി.47 സെന്റീമീറ്റർ വീതിയുള്ള മരത്തിന്റെ ചുവട്ടിലെ കാതലുള്ള ഭാഗമാണ് മുറിച്ചു കടത്തിയത്. രാമക്കൽമേട് കുരുവിക്കാനം മുഹമ്മദിന്റെ ഉടമസ്ഥതയിലുള്ള പുരയിടത്തിലെ ചന്ദനമാണ് മുറിച്ചു കടത്തിയത്. sandalwood tree was stolen from an agricultural land in Idukki

സ്ഥലമുടമ ഭൂമി തമിഴ്‌നാട് സ്വദേശികളായ കർഷകർക്ക് പാട്ടത്തിന് നൽകിയിരുന്നു . കർഷകർ ദീപാവലി ആഘോഷത്തിന് തമിഴ്‌നാട്ടിൽ പോയ തക്കത്തിനാണ് മരം മുറിച്ചു കടത്തിയത്. മുൻപും പ്രദേശത്തെ വിവിധ സ്ഥലങ്ങളിൽ നിന്നും ചന്ദനമരം നഷ്ടപ്പെട്ടിട്ടുണ്ട്. വനം വകുപ്പും പോലീസും അന്വേഷണം ആരംഭിച്ചു.