കണ്ണൂർ: എഡിഎം നവീൻ ബാബുവിന്റെ മരണത്തിൽ റിമാൻഡിൽ കഴിഞ്ഞിരുന്ന മുൻ ജില്ലാ പഞ്ചായത്ത് പ്രസിഡൻ്റ് പി പി ദിവ്യയെ പൊലീസ് കസ്റ്റഡിയിൽ വിട്ടു. ഇന്ന് വൈകിട്ട് അഞ്ച് മണി വരെയാണ് കസ്റ്റഡിയിൽ വിട്ടത്. തലശ്ശേരി പ്രിൻസിപ്പൽ സെഷൻസ് കോടതിയുടേതാണ് നടപടി.(Death of ADM Naveen Babu; PP Divya was released into police custody)
വൈകിട്ട് അഞ്ച് മണിക്ക് ദിവ്യയെ തിരികെ ഹാജരാക്കണമെന്ന് കോടതി വ്യക്തമാക്കി. കേസിൽ രണ്ട് ദിവസത്തേക്കാണ് ദിവ്യയെ പൊലീസ് കസ്റ്റഡിയിൽ ആവശ്യപ്പെട്ടത്. ആദ്യ ദിവസം അറസ്റ്റിലായപ്പോൾ തന്നെ ചോദ്യം ചെയ്തതിനാൽ ഇനിയും കൂടുതൽ സമയം ആവശ്യമാണോയെന്ന് കോടതി ചോദിച്ചു.
നവീന് ബാബുവിന്റെ കുടുംബവും കേസില് കക്ഷി ചേര്ന്ന് ദിവ്യയുടെ ജാമ്യാപേക്ഷയെ എതിര്ത്തിരുന്നു. അതേസമയം നവീന് ബാബുവിന്റെ മരണത്തില് കണ്ണൂര് കളക്ടര് അരുണ് കെ വിജയന്റെ പങ്ക് അന്വേഷിക്കണമെന്ന് ആവശ്യപ്പെട്ട് കോണ്ഗ്രസ് ഇന്ന് കണ്ണൂര് കളക്ടറേറ്റിലേക്ക് പ്രതിഷേധ മാര്ച്ച് നടത്തും.
