ദിവ്യ കീഴടങ്ങിയതാണെന്നും അവര് പാര്ട്ടി ഗ്രാമത്തിലായിരുന്നുവെന്നും ആരോപണവുമായി പ്രതിപക്ഷനേതാവ് വിഡി സതീശന്. എന്തിനാണ് പിപി ദിവ്യയെ കസ്റ്റഡിയില് എടുത്തതെന്ന തെറ്റായ വാദം പറയുന്നതെ അദ്ദേഹം ചോദിച്ചു. Opposition leader VD Satheesan criticized Divya
ദിവ്യ എവിടെയെന്ന് പോലീസിന് നേരത്തെ അറിയുമായിരുന്നു. ദിവ്യയുടെ അറസ്റ്റ് തടഞ്ഞത് മുഖ്യമന്ത്രിയുടെ ഓഫീസിലെ ഉപജാപക സംഘമാണ്. ഒരു കുടുംബത്തിന് നീതി കൊടുക്കാന് കഴിയാത്ത ആളാണ് മുഖ്യമന്ത്രി – വിഡി സതീശന് വിമര്ശിച്ചു.
പ്രതിപക്ഷം ഉന്നയിച്ച ആരോപണം കൃത്യമായിരുന്നുവെന്നും മുഖ്യമന്ത്രിയുടെ ഓഫീസിലെ കോക്കസിന്റെ നിര്ദേശ പ്രകാരം സിപിഐഎം ആണ് അവരെ ഒളിപ്പിച്ചതെന്നും പ്രതിപക്ഷ നേതാവ് കൂട്ടിച്ചേര്ത്തു.
ദിവ്യയെ രക്ഷപെടുത്താനുള്ള മുഴുവന് ശ്രമങ്ങളും നടത്തി. നവീന് ബാബുവിനെ അഴിമതിക്കാരനാണെന്ന് വരുത്തിത്തീര്ത്ത്, അഴിമതിക്കെതിരായി ശബ്ദമുയര്ത്തിയതിന്റെ പേരിലുള്ള ആദര്ശത്തിന്റെ പരിവേഷം കൂടി ദിവ്യയ്ക്ക് ചാര്ത്തിക്കൊടുക്കാന് സിപിഐഎം ശ്രമിച്ചു. അതില് ദയനീയമായി പരാജയപ്പെട്ടു – വിഡി സതീശന് വ്യക്തമാക്കി.
വ്യാജ ഒപ്പാണെന്ന് മാധ്യമങ്ങള് തെളിയിച്ചതോടെ നവീന് ബാബു അഴിമതിക്കാരനാണെന്ന് താറടിക്കാനുള്ള ശ്രമം മാധ്യമങ്ങള് തകര്ത്തുവെന്നും അദ്ദേഹം ചൂണ്ടിക്കാട്ടി.
