നീറ്റ് പരീക്ഷാ പരിശീലന കേന്ദ്രത്തിൽ വിദ്യാർത്ഥികളെ ഉടമ ക്രൂരമായി മർദ്ദിച്ചതായി പരാതി. തിരുനെൽവേലിയിൽ നീറ്റ് പരിശീലന കേന്ദ്രം നടത്തുന്ന മലയാളിയായ ജലാലുദ്ദീൻ അഹമ്മദിനെതിരെയാണ് പൊലീസ് കേസ് എടുത്തത്.Students brutally beaten up at NEET training center in Tamilnadu
രണ്ട് വർഷം മുമ്പാണ് ഇയാൾ തിരുനെൽവേലിയിൽ നീറ്റ് പരിശീലന കേന്ദ്രം ആരംഭിച്ചത്.
ക്ലാസിൽ ഉറങ്ങിയ വിദ്യാർത്ഥികളെ ചൂരൽ കൊണ്ട് അടിച്ചതിന് പുറമെ ചെരിപ്പ് കൊണ്ട് എറിഞ്ഞതായുമാണ് പരാതി.
മർദനമേറ്റ വിദ്യാർഥികളുടെ കൈയിലും കാലിലും മുതുകിലും രക്തസ്രാവമുണ്ടായതായും വിദ്യാർത്ഥികൾ പരാതിയിൽ പറയുന്നു.
കേസെടുത്തതിനു പിന്നാലെ ജലാലുദ്ദീൻ ഒളിവിലാണെന്നും ഇയാളെ കണ്ടെത്താനായി അന്വേഷണം തുടരുകയാണെന്നും പൊലീസ് അറിയിച്ചു.
സംഭവത്തിന്റെ സിസിടിവി ദൃശ്യങ്ങളും വിദ്യാർത്ഥികൾ പകർത്തിയ മർദന ദൃശ്യങ്ങളും പുറത്ത് വന്നിട്ടുണ്ട്.
