മകളുടെ വിവാഹ റിസപ്ഷൻ കഴിഞ്ഞ് തിരികെ വീട്ടിലേക്ക് വരവേ വാഴൂർ പതിനേഴാംമൈൽ ഇളമ്പള്ളിക്കവല വളവിൽ വെച്ച് നിയന്ത്രണം നഷ്ടപ്പെട്ട വാഹനം ഹൈവേയിൽ നിന്നും കുഴിയിലേക്ക് മറിഞ്ഞ് പാണപിലാവ് ഗവ: സ്കൂൾ പ്രഥമാധ്യാപി ഷീനാ ഷംസുദീൻ മരിച്ചു. കഴിഞ്ഞ ദിവസം മകൾ നെഫ്ലയുടെ വിവാഹമായിരുന്നു. Accident while returning from daughter’s wedding reception; The teacher died.

കാഞ്ഞിരപ്പള്ളി പൊടിമറ്റം സെൻ്റ് മേരീസ് ഓഡിറ്റോറിയത്തിൽ വിവാഹം നടന്ന ശേഷം വൈകിട്ട് കോട്ടയം കുടയംപടിയിലുള്ള വരൻ്റെ വീട്ടിൽ നടന്ന റിസപ്ഷനിൽ പങ്കെടുത്തു മടങ്ങവെയാണ് രാത്രി അപകടം നടന്നത്.

30 അടി താഴ്ചയിലേക്കാണ് വാഹനം മറിഞ്ഞത്. ഭർത്താവ് ഷംസുദീനും മകൻ നെബിൽ മുഹമ്മദ് ഷായും പരിക്കുകളോടെ രക്ഷപ്പെട്ടു. എരുമേലി പുത്തൻപുരയ്ക്കൽ കുടുംബാംഗമാണ് പരേത.