ഇടുക്കി അടിമാലി കാഞ്ഞിരവേലിയിൽ കൃഷിയിടത്തിൽ കാട്ടാന ചെരിഞ്ഞ സംഭവത്തിൽ കർഷകനെതിരെ വനം വകുപ്പ് കേസെടുത്തു. ജൂൺ 29 നാണ് കർഷകനായ സാജന്റെ റബ്ബർ തോട്ടത്തിൽ ആനയെ ചെരിഞ്ഞ നിലയിൽ കണ്ടെത്തി. ( Forest department registered a case against the ഫാർമേഴ്‌ after elephant dead in his field)
എന്നാൽ സംഭവത്തിന് ഒരാഴ്ച്ചക്ക് ശേഷം ശേഷം സാജനെതിരെ വനം വകുപ്പ് കേസെടുക്കുകയായിരുന്നു. ഷോക്കേറ്റാണ് ആന ചെരിഞ്ഞതെന്നാണ് പോസ്റ്റ്‌മോർട്ടം റിപ്പോർട്ട് എന്നാൽ ഷോക്ക് എൽക്കാനുള്ള സംവിധാനങ്ങൾ സാജന്റെ തോട്ടത്തിൽ ഇല്ല.
വനം വകുപ്പിന്റെ നടപടിക്കെതിരെ വലിയ പ്രതിഷേധമാണ് പ്രദേശത്ത് ഉയരുന്നത്. സംഭവത്തിന്റെ പേരിൽ കർഷകനെ അറസ്റ്റ് ചെയ്യാനുള്ള നീക്കം അനുവദിക്കില്ലെന്നാണ് പ്രദേശവാസികളുടെ നിലപാട്.
എന്നാൽ കാട്ടാനയെ തടയുന്നതിന് പ്രദേശത്ത് കർഷകർ വൈദ്യുത വേലി കെട്ടിയെന്ന നിഗമനത്തിലാണ് വനം വകുപ്പ്.
