ആനന്ദ് അംബാനിയുടെയും രാധിക മെർച്ചന്റിന്റെയും വിവാഹത്തിന് എത്തിയ രാഷ്ട്രീയ നേതാക്കളുടെയും സെലിബ്രിറ്റികളുടെയും ദൃശ്യങ്ങൾ സോഷ്യൽ മീഡിയയിൽ വൻ ഹിറ്റ് ആയിരുന്നു. രജനീകാന്തും ഷാരൂഖ് ഖാനുമൊക്കെ നൃത്തം ചെയ്യുന്നതും ഇവർക്ക് വിതരണം ചെയ്ത സമ്മാനങ്ങളുമെല്ലാം നെറ്റിസൺസ് തപ്പിയെടുത്തു. (Where are the Congress leaders in Ambani marriage)
എന്നാൽ സാനിധ്യം പോലെ തന്നെ അസാനിധ്യവും ചർച്ചയാകുകയാണ്. കോൺഗ്രസ് നേതാക്കളുടെ അസാനിധ്യമാണ് നിലവിൽ ചർച്ചയായിരിക്കുന്നത്. സോണിയാ ഗാന്ധിയെയും മറ്റു ദേശീയ നേതാക്കളെയും വിവാഹത്തിന് ക്ഷണിച്ചിരുന്നു. എന്നാൽ വിവാഹത്തിൽ എത്താതെ ആശംസ അറിയിക്കുകയാണ് നേതാക്കൾ ചെയ്തത്.
അംബാനിയ്ക്കും അദാനിക്കും മോദി കൂട്ടുകെട്ടിനുമെതിരെ രാഹുൽ ഗാന്ധി നിരന്തരം ആക്ഷേപം ഉന്നയിക്കാറുണ്ട്. ഈ സാഹചര്യത്തിലാണ് ആഡംബര കല്യാണവും ഒഴിവാക്കിയതെന്നാണ് സൂചന. ആഡംബര കല്യാണത്തിന് എത്താതിരുന്നത് രാജ്യത്തെ സാധാരണക്കാരുടെ പിന്തുണ പിടിച്ചു പറ്റുമെന്നും കോൺഗ്രസ് കരുതുന്നു.
അപൂർവമായി ചില സംസ്ഥാനങ്ങളിലെ കോൺഗ്രസ് നേതാക്കൾ കല്യാണത്തിനെത്തിയെങ്കിലും അതൊന്നും പാർട്ടിയോട് ആലോചിക്കാതെയാണെന്നാണ് കോൺഗ്രസ് നിലപാട്. എന്നാൽ ഇന്ത്യാ സഖ്യത്തിലെ ഒട്ടേറെ നേതാക്കൾ വിവാഹത്തിന് എത്തിയിരുന്നു.
