ആർട്ടിഫിഷ്യൽ ഇൻ്റലിജൻസിന്റെ വരവോടെ ജോലി നഷ്‌ടപ്പെടുന്നവർക്ക് സഹായമായി ‘റോബോട്ട് ടാക്സ്’ വരുന്നു

തൊഴിൽ മേഖലയിൽ ആർട്ടിഫിഷ്യൽ ഇൻ്റലിജൻസിന്റെ വരവോടെ ജോലി നഷ്‌ടപ്പെടുന്നവർക്ക് സഹായമായി ‘റോബോട്ട് ടാക്സ്’ കൊണ്ടുവരാൻ കേന്ദ്രധനമന്ത്രി നിർമലാ സീതാരാമനോട് ആർ.എസ്.എസ് അനുബന്ധ സംഘടനയായ സ്വദേശി ജാ​ഗരൺ മഞ്ച് (എസ്‌.ജെ.എം.) ആവശ്യപ്പെട്ടു. (‘Robot tax’ comes to help those who lose their jobs with the advent of artificial intelligence)

‘എ.ഐ ഉൾപ്പെടെയുള്ള അത്യാധുനിക സാങ്കേതികവിദ്യ സ്വീകരിക്കുന്നതിന് തങ്ങൾ എതിരല്ല. എന്നാൽ ഇത് ഹ്രസ്വകാലത്തേക്ക്, ചില വിഭാഗം ജീവനക്കാരുടെ തൊഴിൽ നഷ്ടപ്പെടാൻ ഇടയാക്കും.

‘റോബോട്ട് ടാക്സ്’ കൊണ്ടുവരുന്നതിലൂടെ തൊഴിലാളികളുടെ നൈപുണ്യം വർധിപ്പിക്കാനും പുതിയ സാങ്കേതികവിദ്യകളുമായി പൊരുത്തപ്പെടാനും സഹായിക്കുന്ന ഒരു ഫണ്ട് സൃഷ്ടിക്കാൻ സാധിക്കും.’- സാമ്പത്തിക വിദഗ്ധനും എസ്.ജെ.എമ്മിൻ്റെ ദേശീയ കോ-കൺവീനറുമായ അശ്വനി മഹാജൻ ദി ഹിന്ദുവിനോട് പറഞ്ഞു.

കഴിഞ്ഞ മാസം നിർമലാ സീതാരാമനുമായി സാമ്പത്തിക വിദഗ്ധർ യോ​ഗം ചേർന്നിരുന്നു.