ന്യൂഡല്ഹി: പത്രസമ്മേളനങ്ങള് നടത്താന് താത്പര്യമില്ലാത്തതിന് പിന്നിലെ കാരണം വ്യക്തമാക്കി പ്രധാനമന്ത്രി നരേന്ദ്ര മോദി. ഗുജറാത്ത് മുഖ്യമന്ത്രിയായിരുന്നപ്പോള് നടത്തിയതുപോലുള്ള പത്ര സമ്മേളനങ്ങളോ മാധ്യമ അഭിമുഖങ്ങളോ ഇപ്പോള് നടത്താത്തതെന്തെന്ന ചോദ്യത്തിന് മാധ്യമങ്ങള് ഒരു രീതിയില് മാത്രം പ്രവര്ത്തിക്കുന്നുവെന്നും തനിക്ക് ആ പാത പിന്തുടരാന് താത്പര്യമില്ലെന്നുമാണ് മോദി മറുപടി നൽകിയത്. മുന് കാലത്തെ മാധ്യമ പ്രവര്ത്തനത്തില് നിന്നും നിലവിലെ രീതികള് മാറിയെന്നും മോദി ആരോപിച്ചു. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
എനിക്ക് കഠിനാധ്വാനം ചെയ്യണം. ദരിദ്ര വീടുകള് സന്ദര്ശിക്കണം. വേണമെങ്കില് എനിക്ക് ഉത്ഘാടനങ്ങളില് പങ്കെടുക്കുകയും പത്ര സമ്മേളനങ്ങളില് നടത്തുന്നതിന്റെ ചിത്രങ്ങള് പങ്കുവെക്കും ചെയ്യാം. എന്നാൽ ഞാനത് ചെയ്യുന്നില്ല. പകരം ഝാര്ഖണ്ഡ്പോലുള്ള സ്ഥലങ്ങളിലെ ചെറു ഗ്രാമങ്ങളില് പോയി ചെറിയ പദ്ധതികള് നടപ്പിലാക്കുകയാണ് ചെയ്യുന്നതെന്നും നരേന്ദ്ര മോദി പറഞ്ഞു. പുതുതായൊരു സംസ്കാരം താന് പടുത്തുയര്ത്തിയെന്നും അത് ശരിയായി തോന്നുന്നുണ്ടെങ്കില് മാധ്യമങ്ങള് അത് കൃത്യമായി അവതരിപ്പിക്കണമെന്നും മറിച്ചാണെങ്കില് ജനങ്ങളിലേക്കെത്തിക്കേണ്ടെന്നും പ്രധാനമന്ത്രി കൂട്ടിച്ചേർത്തു.
Read Also: കനത്ത മഴ കറണ്ട് പോക്ക് പതിവ്; ഒരു ഫ്യൂസ് കെട്ടാൻ പോലും തൊഴിലാളികളില്ല; പ്രതിസന്ധിയിൽ കെഎസ്ഇബി
Read Also: ഛബഹാർ തുറമുഖ നടത്തിപ്പ് : ഇന്ത്യ പാകിസ്താനും ചൈനയ്ക്കും കൊടുത്ത എട്ടിന്റെ പണി
