ലീഗിന്റെ കൊടിയോട് കോൺഗ്രസിന് അയിത്തമില്ലെന്ന് യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ. പ്രിയങ്ക വയനാട്ടിൽ പങ്കെടുത്ത പരിപാടിയിൽ ലീഗിന്റെ കൊടി ഉണ്ടായിരുന്നുവെന്നും പച്ച കൊടി കണ്ടാൽ പാകിസ്ഥാനിലാണെന്നാണ് സിപിഐഎം കരുതുന്നതെന്നും അദ്ദേഹം പറഞ്ഞു. ഷൈലജ ടീച്ചറിൽ നിന്ന് വർഗ്ഗീയത കേൾക്കുന്നുണ്ടെന്നും കാഫിർ വാചകം ഓൺ ചെയ്തു സംസാരിച്ചത് ഷൈലജ ടീച്ചറാണെന്നും രാഹുൽ മാങ്കൂട്ടത്തിൽ പറഞ്ഞു. തിരഞ്ഞെടുപ്പിൽ ജയിക്കാൻ എന്തും സിപിഐഎം പറയും. ഇസ്ലാമോഫോബിയ വളർത്തുന്നത് സിപിഐഎമ്മാണെന്നും രാഹുൽ കൂട്ടിച്ചേർത്തു.
അതോടൊപ്പം ഇ പി ജയരാജന്‍ വിവാദത്തിലും രാഹുല്‍ മാങ്കൂട്ടത്തില്‍ പ്രതികരിച്ചു. ഇടതുമുന്നണിയുടെ കണ്‍വീനര്‍ ഇടത്താണോ വലത്താണോ എന്ന് മനസ്സിലാവുന്നില്ലെന്ന് പറഞ്ഞ രാഹുൽ പിണറായി വിജയന്റെ അറിവോടെയാണ് കൂടിക്കാഴ്ച നടന്നതെന്നും പറഞ്ഞു. എന്തുകൊണ്ടാണ് കൂടികാഴ്ച കേരളീയ സമൂഹത്തോട് വെളിപ്പെടുത്താതിരുന്നതെന്നും അദ്ദേഹം ചോദിച്ചു.
Read More: കരുവന്നൂര്‍ കേസിൽ സിപിഎം ജില്ലാ സെക്രട്ടറി അറസ്റ്റിലേക്ക്?
