കെഎസ്ഇബിയിലെ വിവിധ തസ്തികകളില് ജോലി വാഗ്ദാനം ചെയ്തുള്ള തട്ടിപ്പ് വ്യാപകമാകുന്ന സാഹചര്യത്തിൽ അത്തരം തട്ടിപ്പിൽ വീഴരുതെന്ന് കെഎസ്ഇബിയുടെ മുന്നറിയിപ്പ്. രജിസ്ട്രേഷന് ഫീസായി വന് തുക ഈടാക്കി മുങ്ങുന്നതാണ് ഇവരുടെ ശൈലി. ഒരുകാരണവശാലും ഇത്തരം തട്ടിപ്പുകളില് കുടുങ്ങരുതെന്നും കെഎസ്ഇബി ഫെയ്സ്ബുക്കിലൂടെ അറിയിച്ചു.
KSEB യുടെ ഫേസ്ബുക്ക് കുറിപ്പ്:
കെഎസ്ഇബിയിലെ വിവിധ തസ്തികകളിലേക്ക് ജോലി നല്കാമെന്ന് വാഗ്ദാനം നല്കി തട്ടിപ്പുനടത്തുന്ന വിവിധ വ്യാജ സംഘങ്ങള് സജീവം. രജിസ്ട്രേഷന് ഫീസായി വന് തുക ഈടാക്കി മുങ്ങുന്നതാണ് ഇവരുടെ ശൈലി. നിരവധി പേര് ഈ കെണിയില് വീണതായാണ് അറിവ്. കെ എസ് ഇ ബിയിലെ തസ്തികകളിലേക്കുള്ള സ്ഥിരം നിയമനം പി എസ് സി വഴിയാണ് നടത്തുന്നത്. താത്കാലിക നിയമനം എംപ്ലോയ്മെന്റ് എക്ചേഞ്ച് വഴിയും. ഒരുകാരണവശാലും ഇത്തരം തട്ടിപ്പുകളില് കുടുങ്ങരുത്. ജാഗ്രത.
