പ്രണയാഭ്യർത്ഥന നിരസിച്ചതിന് പെൺകുട്ടിയെ സഹപാഠി കഴുത്തറുത്ത് കൊലപ്പെടുത്തി. കോളേജ് കാമ്പസിൽ നടന്ന നടുക്കുന്ന സംഭവത്തിന്റെ വീഡ‍ിയോ സോഷ്യൽ മീഡിയയിൽ പ്രചരിച്ചു. കർണാടകയിലെ ഹുബ്ബള്ളിയിൽ ബിസിഎ വിദ്യാർത്ഥിനി നേഹ ഹിരേമത്ത് എന്ന യുവതിയാണ് കൊല്ലപ്പെട്ടത്. യുവതിയെ മർദിച്ച് തള്ളിയിട്ട ശേഷം കഴുത്തിൽ തുരുതുരെ കുത്തുകയായിരുന്നു.മുഖം മറച്ചാണ് ഇയാൾ ആക്രമണത്തിനെത്തിയത്. എം.സി.എ ആദ്യ വർഷ വിദ്യാർത്ഥിയാണ് നേഹ. പ്രതി സീനിയറും.നേഹയെ സമീപിച്ച് വിവാഹാഭ്യർത്ഥന നടത്തിയ ഫയാസ്, പെൺകുട്ടി ഇത് നിരസിച്ചതിൽ പ്രകോപിതനായി അവളെ പിന്തുടർന്ന് കോളേജ് കാമ്പസിലിട്ട് ആക്രമിക്കുകയായിരുന്നു.യുവതിയെ ആശുപത്രിയിലെത്തിച്ചെങ്കിലും മുറിവുകൾ ഗുരുതരമായിരുന്നതിനാൽ രക്ഷിക്കാനായില്ല. രക്ഷപ്പെടാൻ ശ്രമിച്ച പ്രതി ഫയാസിനെ വിദ്യാർത്ഥികളും കോളേജ് അധികൃതരും ചേർന്ന് പിടികൂടി പൊലീസിലേൽപ്പിച്ചു.
Read also; ജോലി തർക്കം മൂത്തു : പെരുമ്പാവൂരിൽ കമ്പനി ഗോഡൗണിന് തീയിട്ട് ഇതരസംസ്ഥാന തൊഴിലാളി: അറസ്റ്റിൽ
