കല്‍പ്പറ്റ:മദ്യലഹരിയില്‍ അശ്രദ്ധമായി വാഹനമോടിച്ചതിന് രജിസ്റ്റര്‍ ചെയ്ത കേസില്‍ ജാമ്യമെടുത്ത് കോടതി നടപടികള്‍ക്ക് ഹാജരാകാതെ മുങ്ങിയ പ്രതി പിടിയിൽ.
വയനാട് വെള്ളമുണ്ട പൊലീസ് സ്‌റ്റേഷനിൽ 2022 ലാണ് സംഭവം. കോഴിക്കോട് താമരശ്ശേരി പരപ്പന്‍ പൊയില്‍ പൂളക്കല്‍ വീട്ടില്‍ പി. ജയന്ത് (36) ആണ് പിടിയിലായത്.
അന്ന് മുതല്‍ അന്വേഷണം തുടര്‍ന്നുകൊണ്ടിരുന്ന പൊലീസ് താമരശ്ശേരി പരപ്പന്‍ പൊയില്‍ വച്ചാണ് ജയന്തിനെ കസ്റ്റഡിയിലെടുത്തത്. വെള്ളമുണ്ട പൊലീസ് എസ്.എച്ച്.ഒ രജീഷ് തെരുവത്ത് പീടികയിലിന്റെ നേതൃത്വത്തില്‍ സീനിയര്‍ സിവില്‍ പൊലീസ് ഓഫീസറായ അജ്മല്‍, സിവില്‍ പൊലീസ് ഓഫീസര്‍ സുവാസ് എന്നിവരാണ് അന്വേഷണ സംഘത്തിലുണ്ടായിരുന്നത്.
