അയല്പക്കയത്തെ ദമ്പതികളുടെ കിടപ്പുമുറിയിൽ നിന്ന് സ്വകാര്യ സംഭാഷണങ്ങളും ശബ്ദങ്ങളും കേൾക്കുകയാണെന്നും അതിനാൽ ജനലുകൾ അടച്ചിടണമെന്നും ആവശ്യപ്പെട്ട് യുവതി. ബംഗളൂരുവിലാണ് വിചിത്ര പരാതി പോലീസിന്റെ മുന്നിലെത്തിയത്. ബംഗളൂരു ആവലഹള്ളിയിലാണ് പരാതിക്കാരിയായ സ്ത്രീ താമസിക്കുന്നത്.
സ്ത്രീയുടെ പരാതി ഇങ്ങനെ:
അയൽക്കാരായ ദമ്പതികൾ അവരുടെ സ്വകാര്യ നിമിഷങ്ങൾ പങ്കിടുന്ന സമയം മനപ്പൂർവം അവരുടെ ജനൽ തുറന്നിടുന്നു. ഇതുമൂലം അവരുടെ സ്വകാര്യ സംഭാഷണങ്ങളും ശബ്ദങ്ങളും താൻ കേൾക്കുകയാണ്. ഇത് തന്റെ വീട്ടിലെ സമാധാന അന്തരീക്ഷം തകർക്കുന്നു. ജനൽ അടച്ചിടാൻ ദമ്പതികളോട് ആവശ്യപ്പെട്ടപ്പോൾ തന്നെ ബലാൽസംഗം ചെയ്തു കൊല്ലുമെന്ന് ഭീഷണിപ്പെടുത്തിയതായും മോശമായ ആംഗ്യങ്ങൾ കാട്ടിയതായും പരാതിക്കാരി പറയുന്നു. അയൽ വീട്ടുകാരുടെ ഈ പ്രവർത്തികൾ മൂലം തന്റെ വീട്ടിലെ സമാധാനം നഷ്ടപ്പെട്ടുവെന്നും എത്രയും വേഗം പരിഹാരം ഉണ്ടാക്കി തരണമെന്നുമാണ് ഇവരുടെ ആവശ്യം. യുവതിയുടെ പരാതിയിൽ വിവിധ വകുപ്പുകൾ പ്രകാരം കേസെടുത്ത പോലീസ് അന്വേഷണം ആരംഭിച്ചു.
Read Also: ഏറ്റുമാനൂർ നഗര മധ്യത്തിൽ മഹാദേവ ക്ഷേത്രത്തിനടുത്ത് അഗ്നിബാധ; രക്ഷയായത് വഴിയാത്രക്കാരൻ
