കോടതി ഉത്തരവിന് പിന്നാലെ ഗ്യാൻവാപി പള്ളിയിൽ ആരാധന നടത്തി; പൂജ നടന്നത് വൻ സുരക്ഷയിൽ

ഗ്യാൻവാപി പള്ളിയിൽ ആരാധന നടന്നു. വാരാണസി കോടതി ഉത്തരവിന് പിന്നാലെയാണ് ജില്ലാ മജിസ്‌ട്രേറ്റിന്റെയും പൊലീസ് കമ്മീഷണറുടെയും സാന്നിധ്യത്തിൽ പള്ളിയിൽ ആരാധന നടന്നത്. കാശി വിശ്വനാഥ് ട്രസ്റ്റ് നിയോഗിച്ച പൂജാരിയാണ് ആരതി നടത്തിയത്. പൂജ ആരംഭിക്കാൻ സൗകര്യമൊരുക്കാനായി ജില്ലാ ഭരണകൂടത്തിന് കോടതി നിർദേശം നൽകിയിരുന്നു. ഹിന്ദു വിഭാഗം നൽകിയ ഹർജിയിൽ കഴിഞ്ഞ ദിവസമാണ് പള്ളിയുടെ ഒരു ഭാഗത്ത് ആരാധന നടത്താൻ അനുമതി നൽകിയത്. പള്ളിയുടെ താഴെ തെക്കുഭാഗത്തുള്ള നിലവറകളിലാണ് വാരാണസി കോടതി പൂജയ്ക്ക് അനുവാദം നൽകിയിരുന്നത്. ക്രമസമാധാനപാലനത്തിന് നടപടി സ്വീകരിച്ചതായി വാരാണസി പൊലീസ് കമ്മീഷണർ അശോക് ജെയ്ൻ പറഞ്ഞു.

Also read: ചട്ടങ്ങളിൽ വീഴ്ച വരുത്തി: പേടിഎം പേമെന്റുകൾക്ക് നിയന്ത്രണവുമായി RBI; ഈ രണ്ടു കാര്യങ്ങൾ ചെയ്യരുതെന്ന് നിർദേശം