കാറിനുള്ളില് കത്തിക്കരിഞ്ഞ നിലയില് മൃതദേഹം. കോഴിക്കോട് തിരുവമ്പാടി പുന്നയ്ക്കലില് ആണ് സംഭവം. ഇന്നലെ രാത്രി 12 മണിയോടെയാണ് ഇതുവഴി യാത്ര ചെയ്ത ബൈക്ക് യാത്രികനാണ് കാര് കത്തിയ നിലയില് കണ്ടത്. തുടര്ന്ന് പൊലീസില് വിവരമറിയിക്കുകയായിരുന്നു. പുന്നയ്ക്കല് സ്വദേശി അഗസ്റ്റിന് ജോസഫാണ് മരിച്ചതെന്നാണ് പ്രാഥമിക വിവരം. രാത്രി ഇതുവഴിയെത്തിയ ബൈക്ക് യാത്രക്കാരന് കാര് കത്തുന്നത് കണ്ടതിനെ തുടര്ന്ന് പൊലീസ് സ്റ്റേഷനില് വിവരമറിയിച്ചു. സ്ഥലത്തെത്തിയ പൊലീസ് തൊട്ടടുത്ത തോട്ടില് നിന്നടക്കം വെള്ളമൊഴിച്ച് തീ അണയ്ക്കുകയായിരുന്നു. ഈ സമയം ആയപ്പോഴേക്കും കാര് പൂര്ണമായും കത്തിയിരുന്നു. കാറിന്റെ നമ്പറും ആര്സി ഓണറെയും പരിശോധിച്ചപ്പോള് പുന്നയ്ക്കല് സ്വദേശി അഗസ്റ്റിനാണെന്ന് വ്യക്തമായി. മൃതദേഹം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. അഗസ്റ്റിൻ തന്നെയാണ് മരിച്ചത് എന്ന അനുമാനത്തിലാണ് പോലീസ്.
Popular Categories
Previous article
Next article