പോലീസുകാരന്റെ വീടിന് നേരെ ബോംബേറ്; രണ്ട് ആർഎസ്എസ് പ്രവർത്തകർ അറസ്റ്റിൽ

പോലീസുകാരന്റെ വീടിന് നേരെ ബോംബേറ്; രണ്ട് ആർഎസ്എസ് പ്രവർത്തകർ അറസ്റ്റിൽ

കൂത്തുപറമ്പ്: പൊലീസുകാരന്റെ വീടിന് നേരെ ബോംബെറിഞ്ഞ സംഭവത്തിൽ രണ്ട് ആർഎസ്എസ് പ്രവർത്തകരെ പൊലീസ് അറസ്റ്റ് ചെയ്തു. സി.സി.ടി.വി ദൃശ്യങ്ങളുടെ അടിസ്ഥാനത്തിലാണ് പ്രതികളെ പിടികൂടിയത്.

കണ്ണൂർ ജില്ലയിലെ കൂത്തുപറമ്പ് ചെറുവാഞ്ചേരിയിൽ പൊലീസുകാരന്റെ വീടിന് നേരെ ബോംബേറ് ശ്രമം നടന്ന സംഭവത്തിൽ രണ്ട് ആർഎസ്എസ് പ്രവർത്തകരെ പൊലീസ് അറസ്റ്റ് ചെയ്തു. കോളയാട് സ്വദേശി കെ. രാഹുലും മുഴക്കുന്ന് സ്വദേശി പി. ജിതിനുമാണ് പിടിയിലായത്.

എസ്ഡിപിഐ പ്രവർത്തകൻ സലാഹുദ്ധീൻ കൊലക്കേസിലെ പ്രതിയാണ് കെ. രാഹുലെന്ന് പൊലീസ് അറിയിച്ചു. കണ്ണവം പൊലീസ് സ്റ്റേഷനിലെ സ്പെഷ്യൽ ബ്രാഞ്ച് ഉദ്യോഗസ്ഥന്റെ വീടിനാണ് ആക്രമണം ലക്ഷ്യമിട്ടത്.

ബൈക്കിലെത്തി രണ്ടംഗ സംഘം വീടിന് മുന്നിൽ ബോംബ് എറിഞ്ഞതായി കണ്ടെത്തിയിട്ടുണ്ട്. എന്നാൽ ബോംബ് പൊട്ടാതെ രക്ഷപ്പെട്ടു. ബോംബ് വീടിനു മുന്നിൽ വച്ചതാകാമെന്നും പൊലീസ് സംശയിക്കുന്നു.

സംഭവവുമായി ബന്ധപ്പെട്ട് സിസിടിവി ദൃശ്യങ്ങൾ കേന്ദ്രീകരിച്ചുള്ള അന്വേഷണത്തിലാണ് പ്രതികളെ തിരിച്ചറിഞ്ഞ് അറസ്റ്റ് ചെയ്തത്.

ഇതിന് മുൻപ് ചിറ്റാരിപറമ്പ് ചുണ്ടയിൽ ഉണ്ടായ സിപിഎം–ആർഎസ്എസ് സംഘർഷത്തെ തുടർന്നുണ്ടായ പൊലീസ് നടപടികളിൽ പക്ഷപാതമുണ്ടെന്നാരോപിച്ച് സംഘപരിവാർ സംഘടനകൾ പ്രതിഷേധം നടത്തിയിരുന്നു.

English Summary

Two RSS workers were arrested in connection with a bomb attack attempt at a police officer’s house in Kannur. The accused allegedly threw the bomb but it did not explode. They were identified using CCTV footage.