ശബരിമലയിൽ യുവതി പ്രവേശനത്തിന് എതിർപ്പ്; ദേവസ്വം ബോർഡ് സുപ്രീംകോടതിയിൽ
ഡൽഹി: ശബരിമലയിലെ യുവതീ പ്രവേശനത്തെ എതിർത്ത് തിരുവിതാംകൂർ ദേവസ്വം ബോർഡ് സുപ്രീംകോടതിയിൽ സത്യവാങ്മൂലം സമർപ്പിച്ചു.
മതാചാരങ്ങളിലും അനുഷ്ഠാനങ്ങളിലും സ്വയം തീരുമാനമെടുക്കാൻ അവകാശമുണ്ടെന്ന നിലപാടാണ് ബോർഡ് വ്യക്തമാക്കിയത്.
‘ലിംഗ വിവേചനം ഇല്ല, പ്രായപരിധി മാത്രം’
ശബരിമലയിൽ ലിംഗ വിവേചനം ഇല്ലെന്നും, പ്രായപരിധിയിലുള്ള വിലക്കാണ് നിലവിലുള്ളതെന്നും സത്യവാങ്മൂലത്തിൽ പറയുന്നു.
മതസ്വാതന്ത്ര്യത്തിൽ ഇടപെടൽ വേണ്ടെന്ന് വാദം
മതസ്വാതന്ത്ര്യം ആചാരങ്ങളെ ഹനിക്കുന്ന രീതിയിലാകരുത്. വിശ്വാസകാര്യങ്ങളിൽ കോടതിയുടെ ഇടപെടലിന് പരിമിതിയുണ്ടെന്നും ദേവസ്വം ബോർഡ് ചൂണ്ടിക്കാട്ടി.
‘അനിവാര്യ മതാചാര പരിശോധന ഒഴിവാക്കണം’
കോടതി പിന്തുടരുന്ന അനിവാര്യ മതാചാര പരിശോധന ഒഴിവാക്കണമെന്നും മതാചാരങ്ങളെ അനിവാര്യമെന്നും അല്ലാത്തതെന്നും തരംതിരിക്കരുതെന്നുമാണ് ബോർഡിന്റെ വാദം.
ഹൈക്കോടതി വിധി ചൂണ്ടിക്കാട്ടി
ശബരിമലയിലെ ആചാരങ്ങൾ ഭരണഘടനാ വിരുദ്ധമല്ലെന്ന് ഹൈക്കോടതി നേരത്തെ വ്യക്തമാക്കിയിട്ടുണ്ട്.
പ്രതിഷ്ഠയുടെ സ്വഭാവം മതത്തിന്റെ അവിഭാജ്യ ഘടകമാണെന്നും ബോർഡ് വാദിച്ചു.
സ്വയംഭരണ അവകാശം ആവർത്തിച്ചു
ശബരിമല ഒരു പ്രത്യേക മതവിഭാഗത്തിന്റെ ക്ഷേത്രമാണെന്നും, ആചാരങ്ങളും വിശ്വാസങ്ങളും സംബന്ധിച്ച് ബോർഡിന് സ്വയംഭരണ അധികാരമുണ്ടെന്നും സത്യവാങ്മൂലത്തിൽ വ്യക്തമാക്കുന്നു.
‘മഞ്ഞുമ്മൽ ബോയ്സ്’ തട്ടിപ്പ് കേസ് റദ്ദാക്കില്ല; അന്വേഷണം തുടരട്ടെ എന്ന് സുപ്രീം കോടതി
നിയമ പ്രതിനിധികൾ
ദേവസ്വം ബോർഡിനായി മുതിർന്ന അഭിഭാഷകൻ മനു അഭിഷേക് സിംഗവി, സ്റ്റാൻഡിംഗ് കൗൺസൽ പി.എസ്. സുധീർ എന്നിവർ വാദങ്ങൾ അവതരിപ്പിച്ചു.
English Summary:
The Travancore Devaswom Board has opposed the entry of women of certain age groups into the Sabarimala temple in an affidavit filed in the Supreme Court of India. The board argued that the restriction is based on age, not gender, and emphasized its right to manage religious practices independently, urging the court to limit interference in matters of faith.
