ആഡംബരമില്ലാത്ത ‘കള്ളൻ’; അയൽവാസികൾ പോലും അറിഞ്ഞില്ല; വിരമിച്ച ശേഷം ‘സുഖിക്കാൻ’ പൂഴ്ത്തിവെച്ചത് 4.27 കോടി; ഡെപ്യൂട്ടി ഡയറക്ടർ വിജിലൻസ് പിടിയിൽ
ഭുവനേശ്വർ: ഒഡീഷയിൽ ഡെപ്യൂട്ടി ഡയറക്ടറായിരുന്ന ദേബബ്രത മൊഹന്തിയെ വിജിലൻസ് അറസ്റ്റ് ചെയ്ത സംഭവത്തിൽ ഞെട്ടിക്കുന്ന വിവരങ്ങളാണ് പുറത്തുവരുന്നത്.
വർഷങ്ങളായി കൈക്കൂലി വാങ്ങി സമ്പാദിച്ച കോടിക്കണക്കിന് രൂപ ബാങ്കുകളിലോ മറ്റ് നിക്ഷേപ മാർഗങ്ങളിലോ ഇടാതെ സ്വന്തം വീട്ടിൽ തന്നെ സൂക്ഷിച്ചിരുന്നുവെന്നാണ് അന്വേഷണത്തിൽ കണ്ടെത്തിയത്.
വിരമിച്ച ശേഷം സുഖജീവിതം നയിക്കാനായിരുന്നു ഇയാൾ ഈ പണം മാറ്റിവെച്ചിരുന്നതെന്ന് അന്വേഷണ ഉദ്യോഗസ്ഥർ വ്യക്തമാക്കി.
ആരുടെയും ശ്രദ്ധയിൽപ്പെടാതിരിക്കാനായി എല്ലാ കാര്യങ്ങളിലും സൂക്ഷ്മമായ പ്ലാനിംഗ് നടത്തിയിരുന്ന മൊഹന്തി ലളിതമായ ജീവിതശൈലിയാണ് പിന്തുടർന്നിരുന്നത്.
സ്വന്തമായി ഔദ്യോഗിക വാഹനം ഉണ്ടായിരുന്നിട്ടും ഓഫിസിൽ നിന്ന് വീട്ടിലേക്ക് ആ വാഹനത്തിൽ പോകാറില്ലായിരുന്നു.
പകരം, വീടിന് കിലോമീറ്ററുകൾ അകലെയിറങ്ങി അവിടെ നിന്ന് നടന്ന് വീട്ടിലെത്തുന്നതായിരുന്നു പതിവ്. അയൽവാസികൾക്ക് തന്റെ ഔദ്യോഗിക പദവി അറിയാതിരിക്കാനാണ് ഇങ്ങനെ ചെയ്തിരുന്നതെന്നും അന്വേഷണ സംഘം പറയുന്നു.
കൈക്കൂലി പണം വീട്ടിലെ അലമാരകളിലും ട്രോളി ബാഗുകളിലുമായി ഒളിപ്പിച്ചുവച്ചിരുന്നതായും കണ്ടെത്തി.
സർവീസിലിരിക്കെ പണം നിക്ഷേപിച്ചാൽ രേഖകളും വിശദീകരണവും ആവശ്യമായി വരുമെന്നതിനാലാണ് ഇത്തരമൊരു മാർഗം തിരഞ്ഞെടുത്തതെന്നും വിരമിച്ച ശേഷം നിക്ഷേപിക്കാമെന്ന കണക്കുകൂട്ടലിലായിരുന്നു ഇയാളെന്നും ഉദ്യോഗസ്ഥർ വ്യക്തമാക്കി.
Odisha Vigilance നടത്തിയ റെയ്ഡിൽ മൊഹന്തിയുടെ ഫ്ലാറ്റിൽ നിന്ന് 4.27 കോടി രൂപയുടെ കണക്കിൽപ്പെടാത്ത പണം പിടിച്ചെടുത്തു. ഇത് ഒഡീഷ വിജിലൻസിന്റെ ചരിത്രത്തിലെ ഏറ്റവും വലിയ കൈക്കൂലി വേട്ടകളിലൊന്നായാണ് വിലയിരുത്തുന്നത്.
സംഭവത്തിന്റെ ഗൗരവം കണക്കിലെടുത്ത് Enforcement Directorateയും അന്വേഷണത്തിലേക്ക് കടന്നിട്ടുണ്ട്. സംസ്ഥാന വിജിലൻസിന് ആവശ്യമായ വിവരങ്ങൾ കൈമാറുന്നതിന് ഔദ്യോഗിക കത്ത് നൽകിയതായി അധികൃതർ അറിയിച്ചു.
കൽക്കരി ഡിപ്പോകളിലേക്ക് ചരക്കുകടത്തിന് അനുമതി നൽകുന്നതിനായി മൊഹന്തി കൈക്കൂലി വാങ്ങിയിരുന്നുവെന്നാണ് കണ്ടെത്തൽ. ഓരോ അനുമതിക്കും 30,000 രൂപയാണ് ഇയാൾ ആവശ്യപ്പെട്ടിരുന്നത്.
കൈക്കൂലി കൈമാറുന്നതിനിടെയാണ് വിജിലൻസ് സംഘം ഇയാളെ പിടികൂടിയത്. തുടർന്ന് നടത്തിയ പരിശോധനയിലാണ് വീട്ടിൽ ഒളിപ്പിച്ചിരുന്ന വൻ പണത്തുക കണ്ടെത്തിയത്.
English Summary
Odisha Vigilance arrested Deputy Director Debabrata Mohanty after catching him while accepting a bribe for granting transport permits to coal depots. A subsequent raid at his residence in Bhubaneswar led to the seizure of unaccounted cash worth ₹4.27 crore, which he had hidden inside cupboards and trolley bags. Investigators revealed that he led a low-profile life and avoided using his official vehicle to prevent attracting attention. The Enforcement Directorate has also joined the probe.
odisha-deputy-director-debabrata-mohanty-vigilance-raid-rs-4-27-crore-cash-bhubaneswar
Debabrata Mohanty, Odisha vigilance raid, Bhubaneswar corruption case, unaccounted cash seizure, coal depot permit bribe, Enforcement Directorate, Odisha news, vigilance arrest, bribery case India
