ശത്രുക്കളുടെ ശക്തി കുറയും; ഇന്നത്തെ നക്ഷത്രഫലം
മേടം (അശ്വതി, ഭരണി, കാർത്തിക ആദ്യഭാഗം):
ദിവസം ചില വെല്ലുവിളികളോടെ കടന്നുപോകും. കാര്യങ്ങളിൽ തടസ്സം, അനാവശ്യ തർക്കങ്ങൾ, ധനനഷ്ട സാധ്യത എന്നിവ ഉണ്ടാകാം. ഇരുചക്രവാഹനയാത്രയിൽ പ്രത്യേക ജാഗ്രത വേണം.
ഇടവം (കാർത്തിക അവസാന ഭാഗം, രോഹിണി, മകയിരം ആദ്യപകുതി):
വിജയവും അംഗീകാരവും നിറഞ്ഞ ദിവസം. ആരോഗ്യനില മെച്ചപ്പെട്ടിരിക്കും. ജോലി രംഗത്ത് നേട്ടവും സ്ഥാനക്കയറ്റവും പ്രതീക്ഷിക്കാം. തൊഴിൽ തേടുന്നവർക്ക് നല്ല അവസരങ്ങൾ ലഭിക്കും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യഭാഗം):
ചില കാര്യങ്ങളിൽ പരാജയവും മാനസിക സമ്മർദവും അനുഭവപ്പെടാം. യാത്രകൾ മാറ്റിവയ്ക്കുന്നതാണ് നല്ലത്. ധനകാര്യ ഇടപാടുകളിൽ സൂക്ഷ്മത പാലിക്കുക.
കർക്കടകം (പുണർതം അവസാന ഭാഗം, പൂയം, ആയില്യം):
നേട്ടവും സന്തോഷവും നിറഞ്ഞ ദിനം. ശത്രുക്കളുടെ ശക്തി കുറയും. ആരോഗ്യം മെച്ചപ്പെടും. ആഗ്രഹിച്ച കാര്യങ്ങൾ സാധ്യമാകാൻ സാധ്യത.
ചിങ്ങം (മകം, പൂരം, ഉത്രം ആദ്യഭാഗം):
മത്സരങ്ങളിലും പ്രവർത്തനങ്ങളിലും വിജയം കൈവരും. ധനയോഗവും ബന്ധുസമാഗമവും ഉണ്ടാകും. പ്രിയപ്പെട്ടവരോടൊപ്പം സമയം ചെലവഴിക്കാം.
കന്നി (ഉത്രം അവസാന ഭാഗം, അത്തം, ചിത്തിര ആദ്യപകുതി):
ചില തടസ്സങ്ങളും അനാവശ്യ ചെലവുകളും പ്രതീക്ഷിക്കാം. ഉദരസംബന്ധമായ ആരോഗ്യപ്രശ്നങ്ങളിൽ ശ്രദ്ധ വേണം. ചില കാര്യങ്ങൾ ഭാഗികമായി മാത്രമേ പുരോഗമിക്കൂ.
തുലാം (ചിത്തിര രണ്ടാംപകുതി, ചോതി, വിശാഖം ആദ്യഭാഗം):
നഷ്ടസാധ്യതയും അപകടഭീതിയും ഉള്ള ദിവസം. യാത്രകളും പുതിയ തീരുമാനങ്ങളും ഒഴിവാക്കുന്നത് ഉചിതം. ശരീരസുരക്ഷയിൽ പ്രത്യേക ശ്രദ്ധ വേണം.
വൃശ്ചികം (വിശാഖം അവസാന ഭാഗം, അനിഴം, തൃക്കേട്ട):
വിജയവും നേട്ടവും കൈവരിക്കുന്ന ദിവസം. ബിസിനസിൽ ലാഭസാധ്യത. പുതിയ അവസരങ്ങൾ തുറന്നു കിട്ടും. ആത്മവിശ്വാസം വർധിക്കും.
ധനു (മൂലം, പൂരാടം, ഉത്രാടം ആദ്യഭാഗം):
പരീക്ഷകളിലും മത്സരങ്ങളിലും വിജയം പ്രതീക്ഷിക്കാം. പഠനവും യാത്രയും സംബന്ധിച്ച ശ്രമങ്ങൾ ഫലപ്രദമാകും. പുതിയ കോഴ്സുകളിലേക്കുള്ള പ്രവേശനം സാധ്യമാകാം.
മകരം (ഉത്രാടം അവസാന ഭാഗം, തിരുവോണം, അവിട്ടം ആദ്യപകുതി):
മാനസിക സമ്മർദവും ചെറിയ കലഹങ്ങളും അനുഭവപ്പെടാം. അടുത്ത ബന്ധങ്ങളിൽ അകലം തോന്നാൻ സാധ്യത. ആരോഗ്യത്തിലും സുരക്ഷയിലും ശ്രദ്ധ വേണം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യഭാഗം):
കാര്യങ്ങളിൽ തടസ്സങ്ങളും മനസ്സിന്റെ അസ്വസ്ഥതയും പ്രതീക്ഷിക്കാം. അപകടസാധ്യതയുള്ള സാഹചര്യങ്ങൾ ഒഴിവാക്കുക. ഇരുചക്രവാഹനയാത്രയിൽ അതീവ ജാഗ്രത പാലിക്കുക.
മീനം (പൂരുരുട്ടാതി അവസാന ഭാഗം, ഉത്തൃട്ടാതി, രേവതി):
സജീവവും അനുകൂലവുമായ ദിവസം. ആരോഗ്യവും അംഗീകാരവും ലഭിക്കും. പ്രവർത്തനവിജയവും പുതിയ സാധ്യതകളും തെളിയും.
English Summary
Today will be mixed for most zodiac signs. Cancer and Scorpio natives can expect success and relief from enemies. Taurus and Leo may gain recognition and financial benefits. However, Aries, Libra and Aquarius should be cautious about travel, safety and financial matters. Overall, the day offers both opportunities and challenges depending on the sign.
today-horoscope-february-24-2026-malayalam
today horoscope, astrology, malayalam horoscope, daily horoscope, zodiac signs, star prediction, february 24 horoscope, rashifal malayalam, nakshathra phalam









