58 മിനിറ്റിലധികം നീണ്ടുനിൽക്കുന്ന ചുവന്ന വിസ്മയം, നഗ്നനേത്രങ്ങൾ കൊണ്ട് സുരക്ഷിതമായി കാണാൻ കഴിയുന്ന ഈ അപൂർവ്വ നിമിഷം മിസ്സ് ചെയ്യരുത്!
കാലിഫോർണിയ: 2026 മാർച്ച് 3-ന് പുലർച്ചെയോടെ സംഭവിക്കാനിരിക്കുന്ന സമ്പൂർണ ചന്ദ്രഗ്രഹണത്തിന്റെ സമയമാപ്പുകളും ദൃശ്യതാ വിവരങ്ങളും നാസ പുറത്തുവിട്ടു.
ഭൂമിയുടെ നിഴൽ പൂർണമായി ചന്ദ്രനിൽ പതിക്കുമ്പോൾ ചന്ദ്രൻ ചുവന്ന നിറത്തിലേക്ക് മാറുന്ന ‘ബ്ലഡ് മൂൺ’ ദൃശ്യം ഈ ഗ്രഹണത്തിന്റെ പ്രധാന പ്രത്യേകതയാണ്.
2029 വരെ അമേരിക്കയിൽ എവിടെയും ഇതുപോലൊരു സമ്പൂർണ ചന്ദ്രഗ്രഹണം വീണ്ടും കാണാനാകില്ലെന്നും അധികൃതർ വ്യക്തമാക്കി.
മൊത്തം ഗ്രഹണം അഞ്ച് മണിക്കൂറിലധികം നീണ്ടുനിൽക്കും. എന്നാൽ ഏറ്റവും ശ്രദ്ധേയമായ സമ്പൂർണ ഘട്ടം 58 മിനിറ്റ് 15 സെക്കൻഡ് ദൈർഘ്യമുള്ളതാണ്.
ഗ്രഹണത്തിന്റെ എല്ലാ ഘട്ടങ്ങളും നഗ്നനേത്രങ്ങളാൽ സുരക്ഷിതമായി നിരീക്ഷിക്കാനാകും. ബൈനോക്കുലർ അല്ലെങ്കിൽ ടെലിസ്കോപ്പ് ഉപയോഗിച്ചാൽ ചന്ദ്രന്റെ നിറമാറ്റങ്ങളും നിഴൽവിശദാംശങ്ങളും കൂടുതൽ വ്യക്തമായി കാണാൻ സാധിക്കും.
അമേരിക്കയിൽ സമ്പൂർണ ഘട്ടം ദൃശ്യമാകുന്ന സമയം (സമയം മേഖലപ്രകാരം):
- കിഴക്കൻ സമയം (ET): രാവിലെ 6:04 – 7:02
- സെൻട്രൽ സമയം (CT): 5:04 – 6:02
- മൗണ്ടൻ സമയം (MT): 4:04 – 5:02
- പസഫിക് സമയം (PT): 3:04 – 4:02
- അലാസ്ക സമയം: 2:04 – 3:02
- ഹവായ് സമയം: 1:04 – 2:02
കിഴക്കൻ അമേരിക്കയിലെ ചില പ്രദേശങ്ങളിൽ ചന്ദ്രൻ അസ്തമിക്കുമ്പോഴും ഗ്രഹണം തുടരാൻ സാധ്യതയുണ്ട്. പടിഞ്ഞാറൻ സംസ്ഥാനങ്ങളിൽ ചന്ദ്രൻ ആകാശത്ത് ഉയർന്ന നിലയിലായതിനാൽ ഗ്രഹണം കൂടുതൽ വ്യക്തമായി കാണാനാകും.
അടുത്ത സമ്പൂർണ ചന്ദ്രഗ്രഹണം:
ഈ ഗ്രഹണത്തിന് ശേഷം ലോകത്ത് അടുത്ത സമ്പൂർണ ചന്ദ്രഗ്രഹണം 2028 ഡിസംബർ 31-നാണ്. വടക്കേ അമേരിക്കയിൽ വീണ്ടും പൂർണ ഗ്രഹണം ദൃശ്യമാകുക 2029 ജൂൺ 26-ന്.
2026 ഓഗസ്റ്റ് 27–28 തീയതികളിൽ 93% മറയുന്ന ഭാഗിക ചന്ദ്രഗ്രഹണം ഉണ്ടായാലും മാർച്ചിലെ സമ്പൂർണ ഗ്രഹണത്തിന്റെ ദൃശ്യവിസ്മയം അതിൽ പ്രതീക്ഷിക്കാനാവില്ല.
march-3-2026-total-lunar-eclipse-visibility
Lunar Eclipse, Blood Moon, NASA, Space News, Astronomy, March
