മണ്ണുമാഫിയയുമായി ബന്ധം; പൂവാർ എസ്ഐക്കും എഎസ്ഐക്കും വയർലെസിലൂടെ സ്ഥലംമാറ്റ ഉത്തരവ്
തിരുവനന്തപുരം: കൈക്കൂലി ആരോപണത്തെ തുടർന്ന് പൂവാർ പൊലീസ് സ്റ്റേഷനിൽ ചുമതലയിലുണ്ടായിരുന്ന സബ് ഇൻസ്പെക്ടർ ജോസിനെയും എഎസ്ഐ ബിനുവിനെയും അടിയന്തരമായി സ്ഥലംമാറ്റി.
ജില്ലാ പൊലീസ് മേധാവിയുടെ നിർദേശപ്രകാരം വയർലെസിലൂടെ തന്നെയാണ് ഉത്തരവ് കൈമാറിയത്.
സ്റ്റേഷനിലെ എസ്എച്ച്ഒ അവധിയിലായതിനാൽ എസ്ഐ ജോസിനായിരുന്നു സ്റ്റേഷൻ ചുമതല. രാവിലെ നടന്ന വയർലെസ് മീറ്റിംഗിനിടെയാണ് സ്ഥലംമാറ്റ നിർദേശം ലഭിച്ചത്.
മണ്ണുമാഫിയയുമായി ബന്ധപ്പെട്ട് എസ്ഐ ജോസിനെതിരെ ആരോപണം ഉയർന്നതായി റിപ്പോർട്ടുണ്ട്. ഇതുമായി ബന്ധപ്പെട്ട ഇന്റലിജൻസ് റിപ്പോർട്ട് എസ്പിക്ക് ലഭിച്ചതിന്റെ അടിസ്ഥാനത്തിലാണ് നടപടി എന്നാണ് സൂചന.
പൂവാർ സ്റ്റേഷനിലെ ചുമതല ഒഴിഞ്ഞ് കിളിമാനൂർ സ്റ്റേഷനിൽ റിപ്പോർട്ട് ചെയ്യാൻ എസ്പിയുടെ നിർദേശമുണ്ടായി.
English Summary:
A Sub-Inspector and ASI from Poovar police station in Thiruvananthapuram were urgently transferred via wireless order following bribery allegations linked to a sand mafia report.
poovar-si-asi-transfer-bribery-allegation
Kerala Police, Transfer, Bribery Allegation, Thiruvananthapuram, Poovar, Law Enforcement
