മഹേശ്വരന് ആപത്തൊന്നും സംഭവിക്കാതെ പാർവതീദേവി ഉറക്കമൊഴിഞ്ഞ് പ്രാർത്ഥിച്ച ദിവസം; മഹാശിവരാത്രി ഇന്ന്
തിരുവനന്തപുരം: മൃത്യുഞ്ജയനായ ശ്രീപരമേശ്വരനെ രാപകൽ ഭജിച്ച് ഭക്തർ നിർവൃതിയടയുന്ന മഹാശിവരാത്രി ഇന്ന്. കുംഭമാസത്തിലെ കൃഷ്ണപക്ഷ ചതുർദ്ദശി നാളിലാണ് ശിവരാത്രി ആചരിക്കുന്നത്.
വ്രതം അനുഷ്ഠിക്കുന്ന ഭക്തർ ഇന്ന് ക്ഷേത്രങ്ങളിൽ രാത്രി മുഴുവൻ ഉറക്കമിളച്ച് ശിവഭജനം നടത്തും.
സംസ്ഥാനത്തെ ശിവക്ഷേത്രങ്ങളിൽ പ്രത്യേക പൂജകൾ, ഹോമങ്ങൾ, അഭിഷേകങ്ങൾ, എഴുന്നള്ളത്തുകൾ തുടങ്ങിയ ചടങ്ങുകൾ വിപുലമായി നടക്കും.
വിശ്വാസപ്രകാരം, പാലാഴി മഥനത്തിനിടെ ഉദ്ഭവിച്ച കാളകൂടവിഷം ലോകരക്ഷയ്ക്കായി പരമേശ്വരൻ പാനം ചെയ്ത ദിനമാണ് ശിവരാത്രി.
വിഷം ശരീരത്തിലേക്ക് വ്യാപിക്കാതിരിക്കാൻ പാർവതീദേവി ഭഗവാന്റെ കണ്ഠത്തിൽ മുറുകെ പിടിച്ചെന്നും, വിഷം പുറത്തേക്ക് വരാതിരിക്കാനായി മഹാവിഷ്ണു വായ പൊത്തിപ്പിടിച്ചെന്നും ഐതിഹ്യം പറയുന്നു.
മഹേശ്വരന് ആപത്തൊന്നും സംഭവിക്കാതെ പാർവതീദേവി ഉറക്കമൊഴിഞ്ഞ് പ്രാർത്ഥിച്ച ദിനമായതിനാലാണ് ഈ ദിവസം മഹാശിവരാത്രിയായി ആചരിക്കപ്പെടുന്നതെന്നാണ് വിശ്വാസം.
English Summary
Mahashivaratri, one of the most sacred days dedicated to Lord Shiva, is being observed today. Devotees observe fasting and stay awake through the night, offering prayers and participating in special rituals such as abhishekam, homam, and processions in Shiva temples. According to belief, the day marks the moment when Lord Shiva consumed the deadly poison that emerged during the churning of the cosmic ocean to protect the universe.
maha-shivaratri-2026-kerala-temples-night-prayers
Mahashivaratri, Lord Shiva, Kerala temples, Shivaratri rituals, night vigil, fasting, Hindu festival, Thiruvananthapuram, spiritual news
