തല തേങ്ങ കൊണ്ട് ഇടിച്ചു പൊട്ടിച്ച നിലയിൽ; ശ്രീനാരായണ ഗുരുവിന്റെ പ്രതിമ തകർത്തയാൾ പിടിയിൽ
തിരുവനന്തപുരം: സാമൂഹിക നവോത്ഥാനത്തിന്റെ പാതയൊരുക്കിയ മഹാനായ ശ്രീനാരായണ ഗുരുവിന്റെ പ്രതിമ തകർത്ത സംഭവത്തിൽ ശക്തമായ പ്രതിഷേധം ഉയരുന്നു.
തിരുവനന്തപുരം നഗരപരിധിയിൽപ്പെടുന്ന പള്ളിച്ചൽ പ്രദേശത്താണ് ഗുരുദേവ പ്രതിമ നശിപ്പിക്കപ്പെട്ടത്.
ഇന്നലെ രാത്രി എട്ടുമണിയോടെയായിരുന്നു സംഭവം. പ്രദേശത്തെ എസ്എൻഡിപി യോഗം 1019-ാം നമ്പർ ശാഖയുടെ പരിസരത്ത് സ്ഥാപിച്ചിരുന്ന ഗുരുദേവ പ്രതിമയാണ് അക്രമികൾ തകർത്തത്.
പ്രതിമയുടെ തല ഭാഗം തേങ്ങ കൊണ്ട് ഇടിച്ച് പൊട്ടിച്ച നിലയിലാണ് കണ്ടെത്തിയത്.
രാത്രി വൈകിയാണ് ശാഖാ ഭാരവാഹികളും പ്രദേശവാസികളും സംഭവം ശ്രദ്ധയിൽപ്പെടുത്തിയത്.
തുടർന്ന് പോലീസിനെ വിവരം അറിയിക്കുകയും ചെയ്തു. സ്ഥലത്തെത്തിയ പോലീസ് സംഘം പരിശോധന നടത്തി.
സംഭവവുമായി ബന്ധപ്പെട്ട് ഒരാളെ നരുവാമൂട് പൊലീസ് സ്റ്റേഷൻ പരിധിയിൽ നിന്നു കസ്റ്റഡിയിൽ എടുത്തിട്ടുണ്ട്. ഇയാളെ വിശദമായി ചോദ്യം ചെയ്ത് വരികയാണെന്ന് പോലീസ് അറിയിച്ചു.
പ്രതിമ തകർത്തത് സമൂഹത്തിൽ കലഹം സൃഷ്ടിക്കാനുള്ള ശ്രമമാണോയെന്നതടക്കമുള്ള എല്ലാ സാധ്യതകളും പരിശോധിച്ചുവരികയാണ്. പ്രദേശത്ത് പോലീസ് സുരക്ഷ ശക്തമാക്കിയിട്ടുണ്ട്.
സിസിടിവി ദൃശ്യങ്ങൾ ഉൾപ്പെടെ ശാസ്ത്രീയ തെളിവുകൾ ശേഖരിച്ച് അന്വേഷണം പുരോഗമിക്കുകയാണ്.
English Summary
A statue of social reformer Sree Narayana Guru was vandalised at Pallichal in Thiruvananthapuram on Wednesday night. The statue belonging to SNDP Yogam’s 1019th branch was found with its head broken after being hit with a coconut. One person has been taken into custody by Naruvamoodu police, and an investigation is underway.
sree-narayana-guru-statue-vandalised-pallichal-thiruvananthapuram
Sree Narayana Guru, statue vandalised, Pallichal, Thiruvananthapuram news, SNDP Yogam, Kerala crime news, protest, police investigation
