റീൽസ് ചിത്രീകരണത്തിനായി കഴുത്തിൽ കുരുക്കിട്ടു; അഭിനയിക്കുന്നതിനിടെ അപ്രതീക്ഷിതമായി സ്റ്റൂൾ മറിഞ്ഞു; യുവതിക്ക് ദാരുണാന്ത്യം
സോഷ്യൽ മീഡിയയിൽ റീൽസ് ചിത്രീകരിക്കുന്നതിനിടെയുണ്ടായ അപകടത്തിൽ യുവതിക്ക് ദാരുണാന്ത്യം. ഉത്തർപ്രദേശിലെ ബന്ദ ജില്ലയിൽ 27 വയസുകാരിയായ മോഹിനിയാണ് മരിച്ചത്.
വീടിനുള്ളിൽ തൂങ്ങിമരിക്കുന്നതുപോലുള്ള രംഗം മൊബൈൽ ഫോണിൽ ചിത്രീകരിക്കാൻ ശ്രമിക്കുന്നതിനിടെയാണ് അപകടം സംഭവിച്ചത്.
റീലിനായി തൂങ്ങിമരണത്തിന്റെ ദൃശ്യം അഭിനയിച്ച് പകർത്താൻ മോഹിനി കഴുത്തിൽ കയർ കെട്ടി ഒരു സ്റ്റൂളിന് മുകളിൽ കയറി നിൽക്കുകയായിരുന്നു.
വീഡിയോ റെക്കോർഡിംഗ് ആരംഭിച്ചതിന് ശേഷം അഭിനയിക്കുന്നതിനിടെ അപ്രതീക്ഷിതമായി സ്റ്റൂൾ മറിഞ്ഞു വീണു.
ഇതോടെ ശരീരത്തിന്റെ ബാലൻസ് നഷ്ടപ്പെടുകയും കഴുത്തിലെ കുരുക്ക് മുറുകുകയും ചെയ്തു. നിമിഷങ്ങൾക്കകം മരണം സംഭവിച്ചതായാണ് പ്രാഥമിക വിവരം.
വീട്ടിലുണ്ടായിരുന്ന നാല് വയസുകാരിയായ മകൾ മുറിയിലേക്ക് എത്തിയപ്പോഴാണ് അമ്മ തൂങ്ങിക്കിടക്കുന്നത് കണ്ടത്. ഭയന്നുപോയ കുട്ടി ഉറക്കെ നിലവിളിച്ചതോടെ അയൽവാസികൾ വിവരമറിഞ്ഞ് സ്ഥലത്തെത്തി. ഉടൻ രക്ഷപ്പെടുത്താൻ ശ്രമിച്ചെങ്കിലും മോഹിനിയുടെ ജീവൻ രക്ഷിക്കാനായില്ല.
സംഭവവിവരം ലഭിച്ചതിനെ തുടർന്ന് പൊലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായി മാറ്റി. പ്രാഥമികമായി ഇത് ഒരു അപകടമരണമായാണ് പൊലീസ് വിലയിരുത്തുന്നത്.
എന്നിരുന്നാലും മറ്റ് സാധ്യതകളും അന്വേഷണത്തിന്റെ ഭാഗമായി പരിശോധിച്ചുവരികയാണ്. സംഭവവുമായി ബന്ധപ്പെട്ട മൊബൈൽ ഫോൺ ഫോറൻസിക് പരിശോധനയ്ക്ക് അയച്ചിട്ടുണ്ട്.
English Summary
A 27-year-old woman named Mohini died in a tragic accident while filming a social media reel in Banda district of Uttar Pradesh. She was attempting to record a staged hanging scene inside her house when the stool she was standing on accidentally slipped, tightening the noose around her neck. Death occurred within minutes. The incident came to light after her four-year-old daughter found her hanging and alerted neighbors. Police have registered the case as an accidental death and sent the mobile phone for forensic examination.
woman-dies-while-filming-reel-hanging-scene-uttar-pradesh
social media reels, accidental death, Uttar Pradesh, Banda district, woman dies, reel accident, hanging scene, police investigation
