വെങ്ങാനൂരിൽ വ്യാപാര സ്ഥാപനങ്ങൾ ലക്ഷ്യമിട്ട് മോഷ്ടാക്കൾ; പരാതി ലഭിച്ചിട്ടില്ലെന്ന് പോലീസ്
കോവളം: വെങ്ങാനൂർ പനങ്ങോട് ജംഗ്ഷനിൽ നാലു കടകളുടെ വാതിൽ കുത്തിപ്പൊളിച്ച് മോഷണം.
വ്യാഴാഴ്ച രാത്രിയിലാണ് സംഭവം നടന്നത്. വിവിധ സ്ഥാപനങ്ങളിൽ നിന്നായി പണം കവർന്നതായി പ്രാഥമിക വിവരം.
19 രാജ്യങ്ങളിൽ നിന്നായി 179 പ്രതിനിധികൾ; മരിയൻ കോളേജിൽ അന്തർദേശീയ കോൺഫറൻസ് ആരംഭിച്ചു
മോഷണം നടന്ന സ്ഥാപനങ്ങൾ
സതീഷിന്റെ ഉടമസ്ഥതയിലുള്ള ടിവി കെയർ സ്ഥാപനത്തിന്റെ മുൻവാതിൽ തകർത്ത് മേശയിൽ സൂക്ഷിച്ചിരുന്ന 15,000 രൂപ മോഷ്ടിച്ചു.
ശ്രീമുരുകൻ ബാർബർഷോപ്പിൽ നിന്ന് 20,000 രൂപയും, രാജേഷിന്റെ കട കുത്തിത്തുറന്ന് പെട്ടിയിൽ നിന്നുള്ള 350 രൂപയും കവർന്നു.
ചായക്കടയിൽ കയറിയെങ്കിലും പണമില്ല
അതേ ലൈനിലുള്ള കവിതയുടെ ചായക്കടയുടെ പിൻവാതിൽ തകർത്താണ് മോഷ്ടാക്കൾ അകത്ത് കടന്നത്. എന്നാൽ ഇവിടെ നിന്ന് പണമൊന്നും മോഷ്ടാക്കൾക്ക് ലഭിച്ചിട്ടില്ലെന്നാണ് വിവരം.
പോലീസ് സ്ഥലത്തെത്തി; പരാതി ലഭിച്ചിട്ടില്ല
സംഭവം അറിഞ്ഞ ഉടൻ കോവളം പോലീസ് സ്ഥലത്തെത്തി പരിശോധന നടത്തി. എന്നാൽ ഇതുവരെ ആരും ഔദ്യോഗികമായി പരാതി നൽകിയിട്ടില്ലെന്ന് പോലീസ് അറിയിച്ചു.
English Summary:
Burglars broke into four shops at Panangode Junction in Venganoor near Kovalam, damaging doors and stealing cash from multiple establishments. The thieves reportedly took ₹15,000 from a TV care shop, ₹20,000 from a barber shop, and ₹350 from another shop. They also entered a tea shop but did not find any money. Kovalam police visited the spot, though no formal complaint has been filed yet.
