അതിഥി തൊഴിലാളികൾ താമസിച്ച വാടകവീട്ടിൽ കഞ്ചാവ്; അഞ്ച് ചെടികൾ പിടികൂടി
പെരുമ്പാവൂർ: പെരുമ്പാവൂർ വാഴക്കുളം കീൻപുരത്ത് അതിഥി തൊഴിലാളികൾ വാടകയ്ക്ക് താമസിക്കുന്ന സ്ഥലത്ത് നിന്ന് അഞ്ച് കഞ്ചാവ് ചെടികൾ എക്സൈസ് സംഘം കണ്ടെത്തി.
സംഭവത്തിൽ പശ്ചിമ ബംഗാൾ സ്വദേശി ഫർമാൻ ജിയക്കെതിരെ കുന്നത്തുനാട് എക്സൈസ് കേസ് രജിസ്റ്റർ ചെയ്തു.
പരിശോധനക്കിടെ പ്രതി രക്ഷപ്പെട്ടു
വാടകവീട്ടിൽ കഞ്ചാവ് ചെടികൾ നട്ടുവളർത്തിയിരുന്നുവെന്നാണ് എക്സൈസിന്റെ കണ്ടെത്തൽ.
എക്സൈസ് സംഘം സ്ഥലത്തെത്തുമ്പോഴേക്കും പ്രതിയായ ഫർമാൻ ജിയ ഓടി രക്ഷപ്പെടുകയായിരുന്നു.
ഇയാളെ കണ്ടെത്തുന്നതിനായി അന്വേഷണം ശക്തമാക്കിയിട്ടുണ്ട്.
മലിനീകരണ പരാതി പരിശോധിക്കുമ്പോൾ കണ്ടെത്തൽ
വാഴക്കുളം ഗ്രാമപഞ്ചായത്ത് മെമ്പർ കൃഷ്ണകുമാറിന്റെ നേതൃത്വത്തിൽ പ്രദേശത്തെ മലിനീകരണവുമായി ബന്ധപ്പെട്ട പരാതി പരിശോധിക്കാൻ എത്തിയപ്പോഴാണ് വാടകവീട്ടിൽ കഞ്ചാവ് ചെടികൾ ശ്രദ്ധയിൽപ്പെട്ടത്.
തുടർന്ന് ഉടൻ കുന്നത്തുനാട് എക്സൈസ് സർക്കിൾ ഇൻസ്പെക്ടറെ വിവരമറിയിക്കുകയായിരുന്നു.
റോഡരികിൽ കൂട്ടം ചേർന്ന് ആക്രമണം; ഇടിവളകൊണ്ട് യുവാവിൻ്റെ മൂക്കൊടിച്ചു, രണ്ടാം പ്രതി കസ്റ്റഡിയിൽ
എക്സൈസ് കേസ് രജിസ്റ്റർ ചെയ്തു
സർക്കിൾ ഇൻസ്പെക്ടർ എസ്. ബിനുവിന്റെ നേതൃത്വത്തിലുള്ള എക്സൈസ് സംഘം സ്ഥലത്തെത്തി വിശദമായ പരിശോധന നടത്തി കഞ്ചാവ് ചെടികൾ പിടിച്ചെടുത്തു.
English Summary:
Excise officials seized five cannabis plants from a rented house occupied by migrant workers at Keenpuram in Vazhakulam near Perumbavoor. A case has been registered against a West Bengal native, who fled the spot before officials arrived. The cultivation came to light during an inspection related to pollution complaints led by a local panchayat member.
