ഓസ്ട്രേലിയ മോഡലിൽ 16 വയസ്സിൽ താഴെയുള്ള കുട്ടികൾക്ക് സോഷ്യൽ മീഡിയ നിയന്ത്രണം കൊണ്ടുവരുമെന്ന് മന്ത്രി രോഹൻ ഖൗണ്ടെ

ഓസ്ട്രേലിയ മോഡലിൽ 16 വയസ്സിൽ താഴെയുള്ള കുട്ടികൾക്ക് സോഷ്യൽ മീഡിയ നിയന്ത്രണം കൊണ്ടുവരുമെന്ന് മന്ത്രി രോഹൻ ഖൗണ്ടെ

പനാജി: ഓസ്ട്രേലിയയിൽ നടപ്പാക്കിയതുപോലെ 16 വയസ്സിൽ താഴെയുള്ള കുട്ടികൾക്ക് സോഷ്യൽ മീഡിയ ഉപയോഗം നിയന്ത്രിക്കുന്ന കാര്യം ഗോവ സർക്കാരും ഗൗരവമായി പരിഗണിക്കുന്നു. ഇതിന് നിയമനിർമ്മാണം സാധ്യമാണോയെന്ന് സർക്കാർ തലത്തിൽ പഠനം നടക്കുകയാണ്. 

ഡിജിറ്റൽ പ്ലാറ്റ്‌ഫോമുകളിൽ ചെലവഴിക്കുന്ന അമിത സമയം കുട്ടികളുടെയും യുവാക്കളുടെയും മാനസികാരോഗ്യത്തെയും സാമൂഹിക ക്ഷേമത്തെയും പ്രതികൂലമായി ബാധിക്കുന്ന സാഹചര്യത്തിലാണ് ഈ നീക്കം.

ഓസ്‌ട്രേലിയയിലെ നിയമ മാതൃക വിശദമായി പഠിച്ചുവരികയാണെന്നും, പ്രായപൂർത്തിയാകാത്തവരുടെ സോഷ്യൽ മീഡിയ പ്രവേശനം എങ്ങനെ നിയന്ത്രിക്കാമെന്നതാണ് പരിശോധിക്കുന്നതെന്നും ഗോവ ഇൻഫോടെക് മന്ത്രി രോഹൻ ഖൗണ്ടെ വ്യക്തമാക്കി. 

സാധ്യമായാൽ 16 വയസ്സിന് താഴെയുള്ള കുട്ടികൾക്ക് സോഷ്യൽ മീഡിയ ഉപയോഗത്തിൽ സമാനമായ നിരോധനം നടപ്പാക്കുമെന്നും മന്ത്രി അറിയിച്ചു. 

കൂടുതൽ വിവരങ്ങൾ പിന്നീട് പുറത്തുവിടുമെന്നും അദ്ദേഹം കൂട്ടിച്ചേർത്തു.

ഇത്തരമൊരു നിയന്ത്രണം കൊണ്ടുവരുന്നതിനെ കുറിച്ച് ആന്ധ്രപ്രദേശ് സർക്കാരും നേരത്തെ താൽപര്യം അറിയിച്ചിരുന്നു. 

ആഗോള തലത്തിലുള്ള നിയമങ്ങൾ പഠിച്ച് ഒരു മാസത്തിനുള്ളിൽ ശുപാർശകൾ സമർപ്പിക്കാൻ ആന്ധ്രപ്രദേശിൽ മന്ത്രിസഭാ സമിതിയും രൂപീകരിച്ചിട്ടുണ്ട്.

അതേസമയം, ദേശീയ തലത്തിൽ ഇത്തരമൊരു നിയന്ത്രണം കൊണ്ടുവരുന്നതിനെ കുറിച്ച് കേന്ദ്ര സർക്കാർ ഇതുവരെ ഔദ്യോഗിക ചർച്ചകൾ ആരംഭിച്ചിട്ടില്ല. 

ഇന്ത്യയിലെ കേന്ദ്ര ഐടി നിയമങ്ങളുടെ പരിധിയിൽ സംസ്ഥാന സർക്കാർ തലത്തിൽ സോഷ്യൽ മീഡിയ നിയന്ത്രണം നിയമപരമായി നിലനിൽക്കുമോ എന്നത് ഗോവ സർക്കാർ വിശദമായി പരിശോധിച്ചുവരികയാണ്. 

കഴിഞ്ഞ വർഷമാണ് 16 വയസ്സിന് താഴെയുള്ള കുട്ടികൾക്ക് സോഷ്യൽ മീഡിയ നിരോധനം നടപ്പാക്കിയ ആദ്യ രാജ്യമായി ഓസ്‌ട്രേലിയ മാറിയത്. നിയമലംഘനം നടത്തുന്ന പ്ലാറ്റ്‌ഫോമുകൾക്ക് കർശന പിഴയും അവിടെ ഏർപ്പെടുത്തിയിട്ടുണ്ട്.

English Summary

The Goa government is considering banning social media use for children below 16 years, similar to Australia’s model. The move aims to protect the mental health and well-being of young users by curbing excessive digital exposure. Goa’s IT Minister stated that the Australian law is being studied to assess legal feasibility. While Andhra Pradesh is also exploring similar measures, the Indian central government has not yet initiated discussions on a nationwide restriction. Goa is currently examining whether such a state-level ban would stand within India’s central IT laws.

goa-considers-social-media-ban-for-children-under-16

Goa, Social Media Ban, Children Online Safety, Digital Wellbeing, Australia Model, IT Law, Youth Mental Health, State Policy