ആൾക്കൂട്ട ആക്രമണം; രക്ഷകനായത് ഭാഗ്യരാജ്; വെളിപ്പെടുത്തി രജനികാന്ത്

ആൾക്കൂട്ട ആക്രമണം; രക്ഷകനായത് ഭാഗ്യരാജ്; വെളിപ്പെടുത്തി രജനികാന്ത്

ആൾക്കൂട്ടത്തിൽ നിന്നും തന്നെ രക്ഷിച്ച അനുഭവം പങ്കുവെച്ച് സൂപ്പർതാരം രജനികാന്ത്. സംവിധായകനും നടനുമായ കെ. ഭാഗ്യരാജിന്റെ സിനിമാ ജീവിതത്തിന്റെ അമ്പതു വർഷം ആഘോഷിക്കുന്ന ചടങ്ങിലാണ് രജനികാന്ത് മനസ്സുതുറന്നത്.

ജീവിതത്തിൽ ഒരിക്കലും ഭാഗ്യരാജിനെ മറക്കാൻ കഴിയില്ലെന്നും, അന്ന് തന്നോട് കാണിച്ച ധൈര്യത്തിനും മനുഷ്യസ്നേഹത്തിനും നന്ദി പറഞ്ഞാലും മതിയാകില്ലെന്നും രജനികാന്ത് പറഞ്ഞു.

1995-ൽ ശിവാജി ഗണേശന് ഷെവലിയർ പട്ടം ലഭിച്ചപ്പോൾ അദ്ദേഹത്തെ ആദരിക്കാൻ സർക്കാർ സംഘടിപ്പിച്ച ചടങ്ങിലാണ് ആ സംഭവം നടന്നത്. മുഖ്യമന്ത്രി ജയലളിത മുഖ്യാതിഥിയായിരുന്ന പരിപാടിയിൽ സംസാരിക്കാനായി തന്നെ വേദിയിലേക്ക് ക്ഷണിച്ചു.

ആവേശത്തിൽ പറഞ്ഞ ചില വാക്കുകൾ മുഖ്യമന്ത്രിയെ ബാധിച്ചു. പിന്നീട് പരിപാടി സ്ഥലത്ത് വച്ച് തന്നെ ചുറ്റിയിരുന്ന ജനക്കൂട്ടം അക്രമാസക്തരായി. കല്ലേറുകളും ചീത്തവിളികളും ഉണ്ടായതോടെ താൻ അപകടകരമായ സാഹചര്യത്തിലായി.

അവസ്ഥ നിയന്ത്രണം വിട്ടപ്പോൾ ഭാഗ്യരാജ് ഓടിയെത്തുകയായിരുന്നു. സമീപത്തുണ്ടായിരുന്ന പൊലീസ് ഉദ്യോഗസ്ഥൻ ഇടപെടാൻ മടിച്ചു നിന്ന സാഹചര്യത്തിൽ, ഒരു കലാകാരനോട് ഇങ്ങനെ പെരുമാറുന്നത് ശരിയല്ലെന്ന് ഭാഗ്യരാജ് ശക്തമായി ചോദ്യം ചെയ്തു.

ഉടൻ തന്നെ രജനികാന്തിനെ പൊലീസ് ജീപ്പിൽ സുരക്ഷിതമായി വീട്ടിലെത്തിക്കണമെന്ന് ആവശ്യപ്പെട്ട് അദ്ദേഹം സമ്മർദ്ദം ചെലുത്തി. അല്ലെങ്കിൽ സംഭവം മാധ്യമങ്ങളിലേക്കും സിനിമാ ലോകത്തേക്കും എത്തുമെന്ന് മുന്നറിയിപ്പും നൽകി.

അങ്ങനെ ഭാഗ്യരാജിന്റെ ഇടപെടലിലൂടെയാണ് താൻ ആ അപകടാവസ്ഥയിൽ നിന്ന് രക്ഷപ്പെട്ടതെന്ന് രജനികാന്ത് ഓർമ്മിച്ചു. വീട്ടിലെത്തിയ ശേഷം വിളിക്കണമെന്ന് പോലും ശ്രദ്ധിച്ചതായും, ആ മനുഷ്യസ്നേഹം ജീവിതകാലം മുഴുവൻ മനസ്സിൽ സൂക്ഷിക്കുമെന്നും രജനികാന്ത് പറഞ്ഞു.

English Summary

Superstar Rajinikanth recalled a life-saving incident where director-actor K. Bhagyaraj rescued him from an angry mob. Speaking at an event celebrating Bhagyaraj’s 50 years in cinema, Rajinikanth said he could never forget Bhagyaraj’s courage and humanity. He narrated how, after a controversial speech at a government function in 1995, he was attacked by a hostile crowd. Bhagyaraj intervened, confronted the police for inaction, and ensured Rajinikanth’s safe return home. Rajinikanth said his gratitude to Bhagyaraj is beyond words.

rajinikanth-remembers-bhagyaraj-saving-him-from-mob

Rajinikanth, Bhagyaraj, Tamil cinema, Kollywood, film industry, celebrity news, cinema event, actors, directors