ഒരു തലമുറയുടെ നായകൻ; ‘ജനനായകൻ’ ട്രെയിലർ പുറത്തിറങ്ങി
ദളപതി വിജയിയുടെ കരിയറിലെ അവസാന ചിത്രം എന്നറിയപ്പെടുന്ന ‘ജനനായകൻ’ ട്രെയിലർ പുറത്തിറങ്ങി.
മാസ്, ആക്ഷൻ, ഇമോഷൻ എന്നിവയ്ക്ക് തുല്യപ്രാധാന്യം നൽകുന്ന ചിത്രം ആണെന്ന് ട്രെയിലർ വ്യക്തമാക്കുന്നു.
‘ഐ ആം വെയ്റ്റിംഗ്’ അല്ല, ‘ഐ ആം കമിംഗ്’ എന്ന വിജയിയുടെ ഡയലോഗ് ഇതിനോടകം ആരാധകർക്കിടയിൽ വൈറലായി.
വിജയിയുടെ മകളായി മമിത ബൈജു
ചിത്രത്തിൽ വിജയിയുടെ മകളായി മമിത ബൈജു എത്തുന്നു എന്നത് പ്രേക്ഷകർക്ക് വലിയ സർപ്രൈസാണ്.
പൊലീസ് വേഷം ഉൾപ്പെടെ വ്യത്യസ്ത ലുക്കുകളിലാണ് വിജയ് സിനിമയിൽ പ്രത്യക്ഷപ്പെടുന്നത്.
സാമൂഹിക ഉത്തരവാദിത്വവും ജനകീയ വികാരങ്ങളും ചേർത്താണ് കഥാപാത്രം രൂപപ്പെടുത്തിയിരിക്കുന്നത്.
ട്രെയിലറിന് ആഗോള പ്രതികരണം
ട്രെയിലർ റിലീസിന് പിന്നാലെ സോഷ്യൽ മീഡിയയിലും ടിക്കറ്റ് ബുക്കിങ് പ്ലാറ്റ്ഫോമുകളിലും വൻ കുതിപ്പാണ് ഉണ്ടായിരിക്കുന്നത്.
ആരാധകരും സിനിമാപ്രേമികളും ഒരുപോലെ ട്രെയിലറിനെ ആവേശത്തോടെ സ്വീകരിക്കുന്നു.
ലോകമെമ്പാടുമുള്ള വിജയ് ആരാധകർ ചിത്രം ഒരു ഉത്സവമായി കാണാനാണ് തയ്യാറെടുക്കുന്നത്.
എച്ച്. വിനോദ് സംവിധാനം, പൊങ്കൽ റിലീസ്
എച്ച്. വിനോദ് സംവിധാനം ചെയ്യുന്ന ചിത്രം ജനുവരി 9ന് പൊങ്കൽ റിലീസായി തിയേറ്ററുകളിൽ എത്തും.
കെ.വി.എൻ. പ്രൊഡക്ഷൻസിന്റെ ബാനറിൽ വെങ്കട്ട് കെ. നാരായണയാണ് നിർമ്മാണം.
ജഗദീഷ് പളനിസ്വാമി, ലോഹിത് എൻ. കെ എന്നിവർ സഹനിർമാണം നിർവഹിക്കുന്നു
വമ്പൻ താരനിരയും സാങ്കേതിക മികവും
ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത് ബോബി ഡിയോൾ, പൂജ ഹെഗ്ഡെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിത ബൈജു എന്നിവരാണ്.
ഛായാഗ്രഹണം: സത്യൻ സൂര്യൻ
ആക്ഷൻ: അനൽ അരശ്
എഡിറ്റിങ്: പ്രദീപ് ഇ. രാഘവ്
ആർട്ട്: വി. സെൽവകുമാർ
ഗാനരചന: അറിവ്
കോസ്റ്റ്യൂം: പല്ലവി സിംഗ്
പി.ആർ.ഒ: പ്രതീഷ് ശേഖർ
English Summary:
The trailer of Jananayakan, Thalapathy Vijay’s much-awaited and reportedly final film, has been released, creating massive excitement worldwide. Packed with action, emotion, and mass moments, the film features Vijay in multiple powerful avatars, with Mamitha Baiju playing his daughter. Directed by H. Vinoth, the film is set for a grand Pongal release on January 9.
