സംശയം; ഭാര്യയെ പെട്രോളൊഴിച്ച് ചുട്ടുകൊന്നു; തടയാൻ ശ്രമിച്ച മകളേയും തീയിലിട്ടു

സംശയം; ഭാര്യയെ പെട്രോളൊഴിച്ച് ചുട്ടുകൊന്നു; തടയാൻ ശ്രമിച്ച മകളേയും തീയിലിട്ടു

ഹൈദരാബാദ്: ഹൈദരാബാദിലെ നല്ലകുണ്ടയിൽ ക്രിസ്മസ് തലേന്ന് നാടിനെ നടുക്കിയ കൊലപാതകം. ഭാര്യയെ സ്വന്തം മക്കളുടെ മുന്നിൽ പെട്രോളൊഴിച്ച് തീകൊളുത്തി കൊലപ്പെടുത്തിയ ഭർത്താവ് സംഭവത്തിന് ശേഷം ഒളിവിൽ പോയി.

നല്ലകുണ്ട സ്വദേശിനിയായ ത്രിവേണിയാണ് ദാരുണമായി കൊല്ലപ്പെട്ടത്. പ്രതിയായ ഭർത്താവ് വെങ്കിടേഷിനായി പോലീസ് തിരച്ചിൽ ശക്തമാക്കി.

ഭാര്യയെക്കുറിച്ചുള്ള സംശയത്തെ തുടർന്ന് വെങ്കിടേഷ് ത്രിവേണിയുമായി സ്ഥിരമായി വഴക്കിടാറുണ്ടായിരുന്നുവെന്നാണ് വിവരം.

പീഡനം സഹിക്കവയ്യാതെ ത്രിവേണി അടുത്തിടെ സ്വന്തം വീട്ടിലേക്ക് മാറി താമസിച്ചിരുന്നെങ്കിലും, മാറിക്കൊള്ളാമെന്ന് വാഗ്ദാനം ചെയ്ത് വെങ്കിടേഷ് അവരെ വീണ്ടും വീട്ടിലേക്ക് കൊണ്ടുവരികയായിരുന്നു.

ഡിസംബർ 24ന് വൈകിട്ട് വെങ്കിടേഷ് ഭാര്യയെ മർദ്ദിക്കുകയും തുടർന്ന് കുട്ടികളുടെ മുന്നിലിട്ട് പെട്രോളൊഴിച്ച് തീകൊളുത്തുകയുമായിരുന്നു. അമ്മയെ രക്ഷിക്കാൻ ഓടിയെത്തിയ മകളെയും ഇയാൾ തീയിലേക്ക് തള്ളിയിട്ടു.

കുട്ടികളുടെ നിലവിളി കേട്ട് ഓടിയെത്തിയ നാട്ടുകാരാണ് കുട്ടിയെ രക്ഷപ്പെടുത്തിയത്. എന്നാൽ അതേസമയം തന്നെ ത്രിവേണി വെന്തുമരിച്ചിരുന്നു.

ഗുരുതരമായി പരിക്കേറ്റ മകളെ ഉടൻ ആശുപത്രിയിൽ പ്രവേശിപ്പിച്ചു. കുട്ടി നിലവിൽ അപകടനില തരണം ചെയ്തതായി അധികൃതർ അറിയിച്ചു. വെങ്കിടേഷും ത്രിവേണിയും പ്രണയിച്ച് വിവാഹം കഴിച്ചവരായിരുന്നുവെന്നും ഇവർക്കു ഒരു മകനും മകളും ഉണ്ടെന്നും പോലീസ് വ്യക്തമാക്കി.

കുടുംബപ്രശ്നങ്ങളും സംശയവുമാണ് ഈ ക്രൂരകൃത്യത്തിലേക്ക് നയിച്ചതെന്നാണ് പ്രാഥമിക നിഗമനം. പ്രതിയെ പിടികൂടുന്നതിനായി പ്രത്യേക സംഘത്തെ നിയോഗിച്ച് അന്വേഷണം പുരോഗമിക്കുകയാണ്.

🌍 English Summary

A shocking murder took place on Christmas Eve in Nallakunta, Hyderabad, where a man allegedly set his wife on fire in front of their children, leading to her death. When their daughter tried to intervene, she was also pushed into the flames but survived with serious injuries. The accused husband, Venkatesh, has gone into hiding, and police have intensified efforts to trace him. Preliminary investigations point to suspicion and family disputes as the motive behind the crime.

hyderabad-nallakunta-christmas-eve-wife-burnt-murder

hyderabad crime, domestic violence, christmas eve murder, nallakunta, women safety, india crime news