മുൻകൂർ ജാമ്യഹർജിയുമായി രാഹുൽ
തിരുവനന്തപുരം: ബലാത്സംഗ കേസിൽ പ്രതിയായ രാഹുല്‍ മാങ്കൂട്ടത്തിൽ തിരുവനന്തപുരം ജില്ലാ കോടതിയിൽ മുൻകൂർ ജാമ്യാപേക്ഷ സമർപ്പിച്ചു. എല്ലാ ആരോപണങ്ങളും നിഷേധിച്ചാണ് ഹർജി നൽകിയിരിക്കുന്നത്.
പരാതിക്കാരിയായ യുവതിയുമായി ദീർഘകാല സൗഹൃദമുണ്ടായിരുന്നുവെന്നും ബലാത്സംഗവും ഗർഭഛിദ്രവും സംബന്ധിച്ച ആരോപണങ്ങൾ സൃഷ്ടിച്ചതാണെന്നും രാഹുൽ ഹർജിയിൽ വ്യക്തമാക്കി.
അന്വേഷണവുമായി സഹകരിക്കാൻ തയാറാണെന്നും മുൻകൂർ ജാമ്യം അനുവദിക്കണമെന്നുമാണ് അഭ്യർത്ഥന. അറസ്റ്റ് നടപടികൾക്ക് പിന്നിൽ രാഷ്ട്രീയ ഉദ്ദേശ്യമുണ്ടെന്നാണ് രാഹുലിന്റെ ആരോപണം. ഹർജി നാളെ പരിഗണിക്കാനാണ് സാധ്യത.
ഇതിന് സമാന്തരമായി, കേസിൽ പരാതിക്കാരിയുടെ രഹസ്യമൊഴി നെയ്യാറ്റിൻകര കോടതിയിൽ വനിതാ മജിസ്‌ട്രേറ്റ് രേഖപ്പെടുത്തി.
പൊലീസ് കാവലിൽ എത്തിയ യുവതി, തിരുവനന്തപുരം നഗരത്തിലെ ഫ്ലാറ്റിൽ രണ്ട് തവണയും, പാലക്കാട് കൊണ്ടുപോയി മറ്റൊരു തവണയും ബലാത്സംഗം നടന്നതായി മൊഴിയിൽ വ്യക്തമാക്കി.
രാഹുലിന്റെ അറസ്റ്റ് ഉടൻ നടപ്പാക്കാൻ പൊലീസ് നീക്കങ്ങൾ ശക്തമാക്കിയിട്ടുണ്ട്. സിറ്റി പൊലീസ് കമ്മീഷണറുടെ മേൽനോട്ടത്തിലുള്ള പ്രത്യേക സംഘം ആണ് അന്വേഷണം നടത്തുന്നത്.
ഡി.സി.പി, അസിസ്റ്റന്റ് കമ്മീഷണർ എന്നിവരും സംഘത്തിലുണ്ട്. ഒളിവിലുള്ള രാഹുൽ രാജ്യം വിടാതിരിക്കാനായി പൊലീസ് ലുക്കൗട്ട് നോട്ടീസ് പുറപ്പെടുവിച്ചു.
🔹 English Summary
Rahul Mankootathil has filed an anticipatory bail plea in the Thiruvananthapuram District Court in the rape case filed against him. He denies all allegations, claiming he had a long-standing friendship with the complainant and that the accusations of rape and forced abortion are fabricated.
rahul-mankootathil-anticipatory-bail-rape-case
Rahul Mankootathil, Thiruvananthapuram, rape case, anticipatory bail, confidential statement, police investigation, lookout notice, Kerala news, Neyyattinkara, Palakkad
