‘ബോംബേ ടൈലേഴ്സ്’ കൊച്ചിയിൽ; കേരളത്തിനകത്തും വിദേശത്തുമായി വലിയ ചർച്ചകൾ സൃഷ്ടിച്ച നാടകം
കൊച്ചി: കേരളത്തിനകത്തും വിദേശത്തുമായി വലിയ ചർച്ചകൾ സൃഷ്ടിച്ച നാടകം ‘ബോംബേ ടൈലേഴ്സ്’ വീണ്ടും കൊച്ചിയിൽ അരങ്ങേറുന്നു.
ദേശീയ ചലച്ചിത്ര അവാർഡ് ജേതാവായ സുരഭിലക്ഷ്മിക്ക് മികച്ച നടിക്കുള്ള അവാർഡ് ഉൾപ്പെടെ സംഗീത നാടക അക്കാദമിയുടെ അഞ്ച് പുരസ്കാരങ്ങൾ നേടിയിട്ടുള്ള ഈ പ്രശസ്ത നാടകം പത്തു വർഷത്തെ ഇടവേളയ്ക്ക് ശേഷം വീണ്ടും പ്രേക്ഷകർക്ക് മുന്നിലെത്തുന്നു.
അവതരണം നവംബർ 24നും 26നും വൈകുന്നേരം 6.30ന് എറണാകുളം ചാവറ കൾച്ചറൽ സെന്ററിൽ നടക്കും.
സുരഭിലക്ഷ്മിയും ബിനോയ് നമ്പാലയും നായിക-നായകൻ വേഷത്തിൽ എത്തുന്ന ഈ നാടകത്തിൽ ശ്രീകാന്ത് മുരളി, സ്നേഹ ശ്രീകുമാർ, മീനാക്ഷി മാധവി, കുമാർ സുനിൽ, എ.എച്ച്. ഷാനവാസ്,
കൃഷ്ണൻകുട്ടി, ആര്യ വിനോദ്, സന്ധ്യ ശശികുമാർ, അരുൺ സി.എം, അനന്തു ബോസ്, മാർട്ടിൻ, ആന്റണി എന്നിവരുള്പ്പെടെ സിനിമയും നാടകരംഗവും 30-ഓളം കലാകാരന്മാർ വേഷമിടുന്നു.
ഗൾഫ് രാജ്യങ്ങളിലും സിംഗപ്പൂരിലും മികച്ച പ്രതികരണം നേടിയ ഈ നാടകത്തെ ‘മാജിക് ഇൗഫ്’ എന്ന സിനിമാ-നാടക കലാകാരൻമാരുടെ കൂട്ടായ്മയാണ് അരങ്ങിലെത്തിക്കുന്നത്.
തെലുങ്ക് സാഹിത്യകാരൻ മുഹമ്മദ് കാതിർബാബുവിന്റെ കഥയെ അടിസ്ഥാനമാക്കി കെ. വിനോദ്കുമാറാണ് രചനയും സംവിധാനവും നിർവഹിക്കുന്നത്.
ഗാനരചന, സംഗീതം, സഹസംവിധാനം എന്നിവ സുരഭിലക്ഷ്മി നിർവഹിക്കുന്നു. ആലാപനം സിതാര കൃഷ്ണകുമാറും മക്ബൂലും.
പശ്ചാത്തല സംഗീതം തോമസ് ജോ, നൃത്തസംവിധാനം റംസാൻ, ദീപവിധാനം അനൂപ് പൂന. പ്രവേശനം പാസ് മുഖേന നിയന്ത്രിക്കും.
കാവാലി എന്ന ഗ്രാമത്തെ പശ്ചാത്തലമാക്കി മനോഹര വസ്ത്രങ്ങളും മനുഷ്യത്വവും ഒത്തുചേർത്ത് നെയ്യുന്ന തയ്യൽക്കാരൻ പീരുഭായിയുടെയും പ്രിയസഖി മുത്തുമൊഴിയുടെയും ജീവിതത്തിലൂടെ, കമ്പോളവൽക്കരണത്തിന്റെ ഭീഷണിയും അതിന്റെ സാമൂഹ്യ പ്രത്യാഘാതങ്ങളും നാടകത്തിൽ പ്രതിപാദിക്കുന്നതായി സംവിധായകൻ വിനോദ്കുമാർ പറഞ്ഞു.
📄 English Summary
The acclaimed theatre production “Bombay Tailors” is returning to Kochi after a decade. The play, which has won multiple Kerala Sangeetha Nataka Akademi awards and earned Surabhi Lakshmi a National Award, will be staged on November 24 and 26 at Chavara Cultural Centre.
bombay-tailors-play-return-kochi-surabhi-lakshmi-nov-24-26
Bombay Tailors, Surabhi Lakshmi, Kerala Theatre, Kochi Events, Vinod Kumar, Magic Ouf, Stage Play, Malayalam Drama, Cultural News, Chavara Cultural Centre
