ബലം പ്രയോഗിച്ച് ചുംബിച്ച മുൻ കാമുകന്റെ നാക്ക് കടിച്ചുമുറിച്ച് യുവതി; പോരാത്തതിന് പീഡന കേസും
കാൺപൂർ∙ ബലം പ്രയോഗിച്ച് തന്നെ ചുംബിച്ച മുൻ കാമുകന്റെ നാക്ക് കടിച്ചുമുറിച്ച് യുവതി.
ഉത്തർപ്രദേശിലെ കാൺപൂരിലാണ് സംഭവം. 35കാരനായ ചംപി എന്നയാളുടെ നാക്കാണ് മുൻ കാമുകി കടിച്ചുമുറിച്ചത്.
യുവതിയുടെ വിവാഹനിശ്ചയത്തിന് ശേഷം അവൾ ചംപിയിൽ നിന്ന് അകന്നതിനെ തുടർന്ന് ചംപി അസ്വസ്ഥനായിരുന്നു.
ഇടയ്ക്കിടെ യുവതിയെ കാണാൻ ശ്രമിച്ചെങ്കിലും അവൾ അതിന് തയ്യാറായിരുന്നില്ല.
തിങ്കളാഴ്ച ഉച്ചയ്ക്ക് കളിമണ്ണ് ശേഖരിക്കാൻ കുളത്തിനരികിലേക്ക് ഒറ്റയ്ക്കുപോയ യുവതിയെ ചംപി പിന്തുടർന്നു.
അവിടെ അദ്ദേഹം യുവതിയെ പിടിച്ചിട്ട് പീഡിപ്പിക്കാൻ ശ്രമിച്ചു. യുവതി പ്രതിരോധിച്ചെങ്കിലും ബലം പ്രയോഗിച്ച് ചംപി അവളെ ചുംബിച്ചു.
ഇതോടെ യുവതി അയാളുടെ നാക്ക് കടിച്ചുമുറിച്ചു. വേദനയിൽ നിലവിളിച്ച ചംപിയെ നാട്ടുകാരും ബന്ധുക്കളും ചേർന്ന് ആശുപത്രിയിൽ എത്തിച്ചു.
സംഭവത്തെ തുടർന്ന് യുവതിയെ പീഡിപ്പിക്കാൻ ശ്രമിച്ചതിന് ചംപിക്കെതിരെ പൊലീസ് കേസ് രജിസ്റ്റർ ചെയ്തു.
English Summary
A shocking incident occurred in Kanpur, Uttar Pradesh, where a woman bit off the tongue of her former lover after he forcibly kissed her. The man, Champi (35), who is married, was upset after the woman got engaged to someone else and had distanced herself from him. On Monday afternoon, he followed her to a pond and attempted to assault her. When he forcefully kissed her, she bit off his tongue. Locals rushed him to the hospital, and police have registered a case against him for attempted assault.
Kanpur-ex-lover-tongue-bitten-off-assault-attempt
Kanpur, Uttar Pradesh, crime, assault, woman safety, harassment, tongue bitten incident
