പഴയ കെ.എസ്.ആർ.ടി.സി ബസുകൾ സി.എൻ.ജിയിലേക്ക് മാറുന്നു
തിരുവനന്തപുരം ∙ പഴയ ഡീസൽ ബസുകൾ സി.എൻ.ജിയിലേക്ക് (CNG) മാറ്റാനുള്ള പദ്ധതിയുമായി കെ.എസ്.ആർ.ടി.സി മുന്നോട്ട് പോകുന്നു.
ഇതിന് മാതൃകയായി തമിഴ്നാട് നടപ്പാക്കുന്ന പദ്ധതിയെയാണ് പരിഗണിക്കുന്നത്. തമിഴ്നാട്ടിൽ മൂന്ന് കമ്പനികളുടെ സഹകരണത്തോടെ ആയിരം ഡീസൽ ബസുകളെ സി.എൻ.ജിയിലോട്ട് മാറ്റുന്ന പദ്ധതി നടപ്പിലാക്കുകയാണ്.
ഇവയിൽ രണ്ട് കമ്പനികൾ ഇതിനകം കെ.എസ്.ആർ.ടി.സിയുമായി പ്രാഥമിക ചർച്ചകൾ നടത്തുന്നുണ്ട്.
നിലവിൽ 10 വർഷം പഴക്കമുള്ള ബസുകളെയാണ് സി.എൻ.ജി മാറ്റ പദ്ധതിയിൽ ഉൾപ്പെടുത്തുന്നത്.
എന്നാൽ 15 വർഷം പഴക്കമുള്ള ബസുകളേയും മാറ്റത്തിനായി പരിഗണിക്കണമെന്ന ആവശ്യമാണ് കെ.എസ്.ആർ.ടി.സി മുന്നോട്ടുവക്കുന്നത്.
കേന്ദ്ര നിയമപ്രകാരം സർക്കാർ വാഹനങ്ങൾ 15 വർഷം കഴിഞ്ഞാൽ ഉപയോഗിക്കാൻ പാടില്ലെങ്കിലും പ്രത്യേക ഉത്തരവിലൂടെ കെ.എസ്.ആർ.ടി.സി ഈ ബസുകൾ ഇപ്പോഴും സർവീസിലുണ്ട്. ഇത്തരം വാഹനങ്ങളെ സി.എൻ.ജിയിലേക്ക് മാറ്റുന്നത് സാമ്പത്തികമായും പ്രവർത്തനപരമായും കോർപറേഷനിന് ഗുണം ചെയ്യും.
കരാറിലെ ഭാഗമായി 15 വർഷത്തേക്ക് അറ്റകുറ്റപ്പണിയുടെ ഏറ്റവും വലിയ പങ്കും കമ്പനികളാണ് ഏറ്റെടുക്കേണ്ടത്. എന്നാൽ ചെലവിന്റെ കാര്യത്തിൽ കൂടി ഇളവ് നൽകണമെന്ന് കെ.എസ്.ആർ.ടി.സി ആവശ്യപ്പെടുന്നു. നേരത്തെ ചില സ്വകാര്യ ബസുകൾ സി.എൻ.ജിയിലേക്ക് മാറ്റിയ അനുഭവമുണ്ട്. സേവനക്ഷമത, ചെലവ്, ലാഭം എന്നിവ സംബന്ധിച്ച വിലയിരുത്തലിനായി മെക്കാനിക്കൽ വിഭാഗത്തിന്റെ റിപ്പോർട്ട് കോർപ്പറേഷൻ ആവശ്യപ്പെട്ടിട്ടുണ്ട്.
പ്രതീക്ഷിക്കുന്ന നേട്ടങ്ങൾ
കാലാവധി കഴിഞ്ഞ ഡീസൽ ബസിനെ ഏകദേശം ₹6.5 ലക്ഷം ചെലവിൽ സി.എൻ.ജിയാക്കാം. 5.5–6 കിമീ വരെ മൈലേജ് ലഭിക്കും.
ഇപ്പോൾ കെ.എസ്.ആർ.ടി.സി ഓടിക്കുന്ന 15 വർഷത്തിലേറെ പഴക്കമുള്ള 1194 ഡീസൽ ബസുകൾ വെറും 3–4 കിലോമീറ്റർ മൈലേജാണ് നൽകുന്നത്. സി.എൻ.ജിയാക്കിയാൽ ഡീസൽ വ്യയം കുറയുമെന്ന് കണക്കാക്കുന്നു.
തമിഴ്നാട്ടിൽ പൊതുവിപണിയേക്കാൾ കിലോയ്ക്ക് ആറു രൂപ കുറവ് നിരക്കിൽ സി.എൻ.ജി നൽകുന്ന പദ്ധതിയെ കെ.എസ്.ആർ.ടി.സിക്കും അവതരിപ്പിച്ചിട്ടുണ്ട്.
സി.എൻ.ജി പമ്പുകൾ കോർപറേഷന്റെ സ്വന്തം സ്ഥലത്തു തന്നെ സ്ഥാപിക്കാനാവും.
English Summary
Kerala KSRTC is planning to convert its aging diesel buses to CNG, following a model already implemented in Tamil Nadu where 1,000 buses are being converted with the support of three companies. Two of these firms have shown interest in partnering with KSRTC.
While the current plan covers buses above 10 years old, KSRTC wants 15-year-old vehicles—many of which are still in service through special government orders—to be included. Converting these older buses would reduce fuel costs significantly, as they currently give only 3–4 km mileage compared to the expected 5.5–6 km after CNG conversion.
Companies involved in the conversion will also handle major repairs for 15 years, though KSRTC is asking for lower charges. Tamil Nadu’s special lower-price CNG supply model has also been offered to KSRTC. CNG pumps can be set up on KSRTC land.
