സ്വകാര്യ ഭാഗത്ത് ചതവ്, ശരീരം മുഴുവൻ നീല നിറം
ഭോപ്പാൽ: മധ്യപ്രദേശിലെ സെഹോർ ജില്ലയിലെ സ്വകാര്യ ആശുപത്രിയിൽ കാമുകൻ ഉപേക്ഷിച്ചു പോയ 27 കാരിയായ മോഡൽ ഖുശ്ബു അഹിർവാർ ദുരൂഹ സാഹചര്യത്തിൽ മരിച്ചു.
മോഡലിന്റെ മരണത്തിൽ കൊലപാതക സംശയം ഉയരുന്നതിനിടെ, ഖുശ്ബുവിന്റെ അമ്മ ലക്ഷ്മി അഹിർവാർ ആശുപത്രിക്കു പുറത്ത് പൊട്ടിക്കരഞ്ഞു.
“മകളുടെ ശരീരത്തിൽ എല്ലായിടത്തും അടി കൊണ്ടപ്പാടുകളുണ്ട്, മുഖം വീർത്ത നിലയിലായിരുന്നു. കഴുത്ത് ഞെരിച്ച് കൊലപ്പെടുത്തിയതാണെന്നുറപ്പാണ്,” എന്നാണ് അമ്മയുടെ വേദനാഭരിതമായ ആരോപണം.
ഖാസിം എന്ന വ്യക്തിയുമായാണ് ഖുശ്ബു ലിവ് ഇൻ ബന്ധത്തിലിരുന്നത്.
സംഭവത്തിന് മൂന്ന് ദിവസം മുൻപ് ഖാസിം വിളിച്ച് “താനൊരു ഇതരമതസ്ഥൻ ആണെന്നും ഖുശ്ബുവിനെ ഉജ്ജയിനിയിലേക്ക് കൊണ്ടുപോകുകയാണെന്നും” അമ്മയോട് പറഞ്ഞതായാണ് റിപ്പോർട്ടുകൾ.
അതിനുശേഷം കുടുംബത്തിന് ഖുശ്ബുവുമായി ബന്ധപ്പെടാൻ കഴിഞ്ഞില്ല.
സോഷ്യൽ മീഡിയയിൽ ആയിരക്കണക്കിന് ഫോളോവേഴ്സുള്ള വളർന്നുവരുന്ന മോഡലായിരുന്ന ഖുശ്ബു.
നിരവധി ബ്രാൻഡുകളുടെ മോഡലായും ഗ്ലാമറസ് ഫോട്ടോഷൂട്ടുകളിലൂടെയും അവർ ശ്രദ്ധിക്കപ്പെട്ടിരുന്നു.
ഖുശ്ബുവിന്റെ ശരീരത്തിൽ ഉണ്ടായ പരിക്കുകൾ ലൈംഗിക അതിക്രമത്തിന്റേയും മർദ്ദനത്തിന്റേയും ലക്ഷണങ്ങൾ കാണിക്കുന്നതായി പൊലീസ് വ്യക്തമാക്കി.
പോസ്റ്റുമോർട്ടം റിപ്പോർട്ട് ലഭിച്ചതിന് ശേഷം സമഗ്ര അന്വേഷണം ആരംഭിക്കുമെന്നും പൊലീസ് അറിയിച്ചു.
English Summary:
A 27-year-old model, Khushbu Ahirwar, was found dead under mysterious circumstances at a private hospital in Sehore, Madhya Pradesh. Her mother alleged that Khushbu was brutally assaulted and strangled to death by her live-in partner, Qasim, who later abandoned her. Police suspect sexual assault and have initiated a detailed investigation following the autopsy report.
