കിടിലൻ മേക്കോവറുമായി പാർവതി തിരുവോത്ത്
മലയാള സിനിമയിലെ ബോൾഡ് ആൻഡ് ബ്യൂട്ടിഫുൾ താരങ്ങളിൽ ഒരാളായ പാർവതി തിരുവോത്ത് വീണ്ടും വാർത്തകളിൽ.
‘നോട്ട് ബുക്ക്’ എന്ന ചിത്രത്തിലൂടെയാണ് നടി മലയാളികളുടെ മനസിൽ ഇടം നേടിയത്.
തുടർന്ന് തമിഴ് ഉൾപ്പെടെ നിരവധി ഭാഷകളിലായി മികച്ച കഥാപാത്രങ്ങളെ അവതരിപ്പിച്ച പാർവതി, ഇപ്പോൾ ബോളിവുഡിൽ തിളങ്ങാനുള്ള ഒരുക്കത്തിലാണ്.
ബോളിവുഡ് താരം ഹൃത്വിക് റോഷൻ നിർമിക്കുന്ന ആദ്യ വെബ് സീരീസിൽ പാർവതി തിരുവോത്ത് പ്രധാന കഥാപാത്രമായി എത്തുകയാണ്.
പ്രൈം വീഡിയോയുമായി സഹകരിച്ച് ഹൃത്വിക്കും സഹോദരൻ ഈഷാൻ റോഷനും ചേർന്ന് എച്ച്ആർഎക്സ് ഫിലിംസിന്റെ ബാനറിൽ നിർമിക്കുന്ന ‘സ്റ്റോം’ എന്ന ത്രില്ലർ വിഭാഗത്തിലെ സീരീസാണ് ഇത്.
അജിത്പാൽ സിംഗ് ആണ് സംവിധാന ചുമതല വഹിക്കുന്നത്.
നിർമാണം ഉടൻ ആരംഭിക്കും. കഴിഞ്ഞ കുറച്ച് വർഷങ്ങളായി മലയാളത്തിൽ തെരഞ്ഞെടുക്കപ്പെട്ട ചില പ്രോജക്ടുകളിൽ മാത്രമേ പാർവതി സജീവമായിരുന്നുള്ളൂ.
‘ഉള്ളൊഴുക്ക്’, ‘പുഴു’, ‘തങ്കലാൻ’ തുടങ്ങിയ ചിത്രങ്ങളിലെ പ്രകടനം വിമർശകരുടെ പ്രശംസ നേടി.
ഇപ്പോൾ, കരിയറിലെ ഏറ്റവും വലിയ അവസരങ്ങളിൽ ഒന്നായി കരുതപ്പെടുന്ന ഈ ബോളിവുഡ് പ്രോജക്ടിലൂടെ പാർവതി ആഗോളതലത്തിൽ തന്റെ പ്രതിഭ തെളിയിക്കാനൊരുങ്ങുകയാണ്.
ഇതിനിടെ നടി സോഷ്യൽ മീഡിയയിൽ പങ്കുവച്ച പുതിയ ഫോട്ടോകളും വീഡിയോയും ആരാധകരെ അത്ഭുതപ്പെടുത്തി.
വൻ മേക്കോവർ നടത്തിയ പാർവതിയുടെ ലുക്ക് വൈറലായിരിക്കുകയാണ്. “ഇവിടെ അവൾ ഉദിക്കുന്നു” എന്ന അടിക്കുറിപ്പോടെയാണ് പാർവതി വീഡിയോ പങ്കുവച്ചത്.
ആരാധകർ “സൂപ്പറായിട്ടുണ്ട്”, “എന്താ ഈ ലുക്ക്!”, “ഹാലോവീൻ വേഷമോ?” തുടങ്ങിയ കമന്റുകളോടെ പ്രതികരിക്കുന്നു.
English Summary:
Malayalam actress Parvathy Thiruvoth, known for her bold and powerful performances, is all set to make her mark in Bollywood. She will play the lead role in “Storm”, a thriller web series produced by Hrithik Roshan and his brother Eshaan Roshan under the HRX Films banner, in collaboration with Amazon Prime Video. Directed by Ajitpal Singh, the series marks Hrithik Roshan’s debut as a producer for an OTT platform. Parvathy, who impressed audiences with films like Uyare, Take Off, Puzhu, and Thangalaan, is expected to reach global audiences through this project. Meanwhile, her recent makeover pictures have gone viral on social media, stunning fans with her new look.
