വിമാനത്തിന് അടിയന്തര ലാൻഡിങ്
മുംബൈ: പറന്നുയരുന്നതിനിടെ ചക്രം റൺവേയിൽ വീണതിനെ തുടർന്ന് വിമാനം അടിയന്തരമായി ലാൻഡിങ് നടത്തി. മുംബൈ വിനോദ് വിമാനത്താവളത്തിലാണ് സംഭവം.
ഗുജറാത്തിലെ കാണ്ട്ലയിൽ നിന്നും മുംബൈയിലേക്കുള്ള സ്പേസ് ജെറ്റ് വിമാനമാണ് അടിയന്തരമായി ലാൻഡ് ചെയ്തത്.
ഇന്ന് വൈകിട്ട് നാലുമണിയോടെയാണ് സംഭവം. കണ്ടലയിൽ നിന്നും പുറപ്പെട്ട ഉടനെ തന്നെ വിമാനത്തിന്റെ ചക്രം ഊരി പോവുകയായിരുന്നു. വിമാനത്തിന്റെ സ്റ്റാർട്ടിംഗ് പോയിന്റിന്റെ റൺവേയിൽ ആണ് ചക്രം കണ്ടെത്തിയത്.
സംഭവത്തിൽ യാത്രക്കാർക്ക് ആർക്കും പരിക്കില്ല എന്നാണ് വിമാന കമ്പനി നൽകുന്ന വിവരം. 75 യാത്രക്കാരായിരുന്നു വിമാനത്തിൽ ഉണ്ടായിരുന്നത്. സംഭവത്തെക്കുറിച്ച് വിശദമായ അന്വേഷണം ആരംഭിച്ചു.
വിമാനത്തിനുള്ളിൽ പുകവലി
തിരുവനന്തപുരം: വിമാനത്തിനുള്ളിൽ നിന്നും പുകവലിച്ച യാത്രക്കാരന് പിടിയില്. തിരുവനന്തപുരം വട്ടിയൂര്ക്കാവ് സ്വദേശിയാണ് പിടിയിലായത്.
ശുചിമുറിക്കുള്ളില് വെച്ചാണ് ഇയാൾ പുക വലിച്ചത്. സുരക്ഷാ സേന പിടികൂടിയ ഇയാളെ വലിയതുറ പൊലീസിന് കൈമാറി. ബുധനാഴ്ച്ച വൈകീട്ട് 7.30ന് ഷാര്ജയില് നിന്ന് തിരുവനന്തപുരത്തേക്ക് യാത്ര തിരിച്ച എയര് ഇന്ത്യ എക്സ്പ്രസ് വിമാനത്തിലാണ് സംഭവം.
വിമാനത്തില് പുകവലിച്ചതിന് പിന്നാലെ അലാറം അടിച്ചതോടെ ഇയാള് ശുചിമുറിക്കകത്ത് വച്ച് പുകവലിച്ച വിവരം പുറത്തറിയുകയായിരുന്നു. പിന്നാലെ ജീവനക്കാര് നല്കിയ പരാതിയിലാണ് സുരക്ഷാസേന ഇയാളെ പിടികൂടി പൊലീസില് ഏല്പ്പിച്ചത്.
ഡൽഹി–കൊൽക്കത്ത ഇൻഡിഗോ വിമാനത്തിൽ മദ്യപിച്ച് ബഹളം വച്ച് യുവാവ്; ഹര ഹര മഹാദേവ ചൊല്ലണമെന്ന് ആവശ്യം; പരാതി
ഡൽഹിയിൽ നിന്ന് കൊൽക്കത്തയിലേക്കുള്ള ഇൻഡിഗോ 6ഇ6571 വിമാനത്തിൽ മദ്യപിച്ചെത്തിയ ഒരാൾ ബഹളം വെച്ചതിനുശേഷം സുരക്ഷാ ഉദ്യോഗസ്ഥർക്കു കൈമാറി. ഇന്നലെ നടന്ന സംഭവത്തിൽ വിമാനത്താവള സുരക്ഷാ പ്രോട്ടോക്കോൾ ലംഘിച്ചതിനാലാണ് നടപടി.
31ഡി സീറ്റിലിരുന്ന യാത്രക്കാരൻ, അഭിഭാഷകനായ ഇയാൾ, ‘ഹര ഹര മഹാദേവ’ എന്ന് വിളിക്കണമെന്ന് ആവശ്യപ്പെട്ട് സഹയാത്രികരോടും ക്യാബിൻ ക്രൂവിനോടും മോശമായി പെരുമാറി.
വിമാനം പറന്നുയർന്നതിനുശേഷം ജീവനക്കാർക്ക് ഇയാൾ ഒരു ശീതളപാനീയ കുപ്പി ഒളിപ്പിക്കുന്നതായി ശ്രദ്ധയിൽപ്പെട്ടു. ചോദ്യം ചെയ്തപ്പോൾ, കുപ്പിയിൽനിന്ന് ഉടൻ കുടിക്കുകയും മദ്യം മണക്കുകയും ചെയ്തതായിട്ടാണ് റിപ്പോർട്ട്.
ഇതോടെ, കൊൽക്കത്തയിൽ ഇറങ്ങിയ ഉടൻ സുരക്ഷാ ഉദ്യോഗസ്ഥർക്ക് ഇയാളെ കൈമാറി. യാത്രക്കാരൻ തന്റെ ഭാഗത്ത് മതപരമായോ അപമാനകരമായോ ഉള്ള ഉദ്ദേശ്യമില്ലായിരുന്നുവെന്ന് വ്യക്തമാക്കി.
“ഹര ഹര മഹാദേവ” എന്നു പറഞ്ഞത് ജീവനക്കാരെ അഭിവാദ്യം ചെയ്യാനായിരുന്നു എന്നും, വിമാന യാത്രയ്ക്കിടെ മദ്യപിച്ചില്ലെന്നും, ഡൽഹി വിമാനത്താവളത്തിൽ കയറുന്നതിന് മുമ്പ് ബിയർ കുടിച്ചതാണെന്നും അതിന്റെ റെസീറ്റ് കൈവശമുണ്ടെന്നും അദ്ദേഹം വ്യക്തമാക്കി.
സംഭവത്തെ തുടർന്ന് ക്യാബിൻ ക്രൂ അംഗങ്ങളും യാത്രക്കാരനും തമ്മിൽ പരസ്പരം പരാതി നൽകിയിട്ടുണ്ട്. ഇൻഡിഗോ അധികൃതർ സംഭവത്തെക്കുറിച്ച് വിശദീകരണം നൽകിയിട്ടുണ്ട്.
വിമാനയാത്രയ്ക്കിടയിലെ മദ്യപാനം, നിയമലംഘനം, ജീവനക്കാരോടുള്ള മോശം പെരുമാറ്റം എന്നിവയ്ക്ക് ശക്തമായ നടപടികൾ ഉണ്ടാകുമെന്നതാണ് ഈ സംഭവം വീണ്ടും ഓർമ്മപ്പെടുത്തുന്നത്.
Summary: A major mishap was averted at Mumbai airport after a flight made an emergency landing when one of its wheels fell off during takeoff. No casualties reported.
