പാളങ്ങൾക്കിടയിൽ സോളാർ പാനലുകൾ സ്ഥാപിച്ച് വൈദ്യുതി ഉത്പാദനം: ഇന്ത്യൻ റെയിൽവേയുടെ ഹരിത ഊർജ്ജ വിപ്ലവം
കണ്ണൂർ: വാരാണസി: റെയിൽപ്പാളങ്ങൾക്കിടയിൽ സോളാർ പാനലുകൾ സ്ഥാപിച്ച് ആദ്യമായി വൈദ്യുതി ഉത്പാദിപ്പിച്ച് റെയിൽവേ. വാരാണസിയിലെ ബനാറസ് ലോക്കോമോട്ടീവ് വർക്സ് വർക്‌ഷോപ്പ് ലൈനിലാണ് ഈ പരീക്ഷണം നടത്തി വിജയിച്ചത്. 70 മീറ്റർ നീളത്തിൽ 28 പാനലുകളാണ് സ്ഥാപിച്ചത്. ഈ പാനൽ വഴി 15 കിലോവാട്ട് വൈദ്യുതി ഉത്പാദിപ്പിച്ചു. ഹരിത ഊർജ്ജ നവീകരണത്തിൽ റെയിൽവേയുടെ നാഴികക്കല്ലാണിത്.
‘ഇന്ത്യൻ റെയിൽവേ ചരിത്രത്തിൽ ആദ്യം! വാരാണസിയിലെ ബനാറസ് ലോക്കോമോട്ടീവ് വർക്ക്‌സ്, റെയിൽവേ ട്രാക്കുകൾക്കിടയിൽ ഇന്ത്യയിലെ ആദ്യത്തെ 70 മീറ്ററിൽ റിമൂവബിൾ സോളാർ പാനൽ സംവിധാനം (28 പാനലുകൾ, 15KWp) കമ്മീഷൻ ചെയ്തു. ഹരിതവും സുസ്ഥിരവുമായ റെയിൽ ഗതാഗതത്തിലേക്കുള്ള ഒരു ചുവടുവയ്പ്പ്.’ റെയിൽവേ എക്‌സ് പോസ്റ്റിൽ പറഞ്ഞു.
വാരണാസിയിലെ ബനാറസ് ലോക്കോമോട്ടീവ് വർക്‌സിലെ (BLW) വർക്ക്‌ഷോപ്പ് ലൈനിലാണ് പരീക്ഷണം നടത്തിയത്. 70 മീറ്റർ നീളത്തിൽ സ്ഥാപിച്ച 28 സോളാർ പാനലുകൾ വഴി 15 കിലോവാട്ട് വൈദ്യുതി ഉത്പാദിപ്പിക്കാനായിട്ടുണ്ട്. പാളങ്ങളുടെ ഇടം വിനിയോഗിക്കുന്ന ഈ മാതൃക, റെയിൽവേയുടെ ഒഴിഞ്ഞ സ്ഥലങ്ങൾ പരമാവധി പ്രയോജനപ്പെടുത്തുന്ന സുസ്ഥിര പദ്ധതിയായി ശ്രദ്ധേയമാകുന്നു.
ഇന്ത്യയിലെ സോളാർ റെയിൽവേ പദ്ധതി
ഇപ്പോൾ ഇന്ത്യയിൽ 2249 റെയിൽവേ സ്റ്റേഷനുകളിൽ സൗരോർജ്ജ ഉത്പാദന പദ്ധതികൾ നടപ്പിലാക്കിയിട്ടുണ്ട്. ഇതിലൂടെ മൊത്തം 309 മെഗാവാട്ട് വൈദ്യുതി ഉത്പാദിപ്പിക്കുന്നു. രാജ്യത്ത് ഏറ്റവും കൂടുതൽ സോളാർ പ്ലാന്റുകൾ പ്രവർത്തിക്കുന്ന സംസ്ഥാനമാണ് രാജസ്ഥാൻ – 275 എണ്ണം. കേരളത്തിൽ നിലവിൽ 13 സോളാർ പ്ലാന്റുകളാണ് പ്രവർത്തിക്കുന്നത്.
റെയിൽവേയുടെ ദീർഘകാല ലക്ഷ്യം 2030 ഓടെ 20 ഗിഗാവാട്ട് സൗരോർജ്ജ ഉത്പാദനം നടത്തുകയെന്നതാണ്. റെയിൽവേയുടെ ഒഴിഞ്ഞ ഭൂമിയും സ്റ്റേഷൻ മേൽക്കൂരകളും പ്രയോജനപ്പെടുത്തിയാണ് ഈ പദ്ധതി വിപുലീകരിക്കുന്നത്. പാളങ്ങൾക്കിടയിൽ സ്ഥാപിച്ച സോളാർ സംവിധാനങ്ങൾ ഭാവിയിലെ ഊർജ്ജ സ്വയംപര്യാപ്തതയ്ക്കുള്ള പുതിയ മാതൃകയാണ്.
പ്രത്യേകതകളും പ്രയോജനങ്ങളും
പുതിയ രീതിയിൽ സ്ഥാപിച്ച സോളാർ പാനലുകൾ തീവണ്ടി ഗതാഗതത്തിന് യാതൊരു തടസ്സവുമുണ്ടാക്കുന്നില്ല. കാലാവസ്ഥാ വ്യതിയാനങ്ങൾക്കനുസരിച്ച് ഇവ എളുപ്പത്തിൽ മാറ്റിസ്ഥാപിക്കാനോ അറ്റകുറ്റപ്പണി നടത്താനോ കഴിയുന്ന വിധത്തിലാണ് രൂപകൽപ്പന ചെയ്തിരിക്കുന്നത്. ഉറപ്പും കാര്യക്ഷമതയും ഉറപ്പുനൽകുന്ന ഇത്തരം സംവിധാനങ്ങൾ ഭാവിയിൽ രാജ്യവ്യാപകമായി വ്യാപിപ്പിക്കാനാണ് റെയിൽവേയുടെ തീരുമാനം.
കണ്ണൂർ റെയിൽവേ സ്റ്റേഷനിലെ മാതൃകാപദ്ധതി
കേരളത്തിൽ ഹരിത ഊർജ്ജ പദ്ധതികളുടെ വിജയകരമായ ഉദാഹരണമാണ് കണ്ണൂർ റെയിൽവേ സ്റ്റേഷൻ. ഇവിടെ 125 കിലോവാട്ട് ശേഷിയുള്ള സോളാർ പ്ലാന്റ് സ്ഥാപിച്ചിരിക്കുകയാണ്. ഇതിനകം 120 കിലോവാട്ട് വൈദ്യുതി ഉത്പാദിപ്പിക്കാൻ കഴിയുന്നുണ്ട്. ദിനംപ്രതി ശരാശരി 450 യൂണിറ്റ് വൈദ്യുതി ലഭിക്കുന്നു. സ്റ്റേഷന്റെ മൊത്തം വൈദ്യുതി ഉപയോഗത്തിന്റെ മൂന്നിലൊന്ന് വരെ ഇതിനാൽ നിറവേറ്റാൻ കഴിയും.
സ്റ്റേഷൻ മേൽക്കൂരയിൽ 284 സോളാർ പാനലുകളാണ് ഇതിനായി ഘടിപ്പിച്ചിരിക്കുന്നത്. ചെലവ് കുറയ്ക്കുന്നതിന് പുറമേ, കാർബൺ ഉത്സർജനം നിയന്ത്രിക്കാനും ഇത് സഹായിക്കുന്നു.
ദേശീയ തലത്തിലെ വിപുലീകരണം
കേന്ദ്ര നവീന, പുനരുപയോഗ ഊർജ്ജ മന്ത്രാലയത്തിന്റെ നേതൃത്വത്തിൽ രാജ്യത്തെ വിവിധ റെയിൽവേ സ്റ്റേഷനുകളിൽ സോളാർ പാനലുകൾ സ്ഥാപിക്കുന്ന പദ്ധതികൾ നടപ്പിലാക്കുന്നു. റെയിൽവേയുടെ കാർബൺ ന്യൂട്രൽ ലക്ഷ്യത്തിലേക്കുള്ള വലിയ ചുവടുവയ്പായി ഈ പദ്ധതിയെ കാണുന്നു.
റെയിൽപ്പാളങ്ങളിലൂടെയുള്ള സോളാർ വൈദ്യുതി ഉത്പാദന പദ്ധതി, ഇന്ത്യയിലെ ഹരിത ഊർജ്ജ രംഗത്തെ വിപ്ലവകരമായ ആശയമാണ്. പരിസ്ഥിതി സൗഹൃദവും ചെലവുകുറഞ്ഞതുമായ ഈ പദ്ധതി ഭാവിയിലെ ഊർജ്ജ സുരക്ഷയ്ക്കും കാർബൺ കുറയ്ക്കലിനും വലിയ സംഭാവന നൽകും. റെയിൽവേയുടെ ‘ഗ്രീൻ എൻർജി മിഷൻ’ ലക്ഷ്യത്തിലേക്കുള്ള മറ്റൊരു ചരിത്രനാഴികക്കല്ലാണ് വാരണാസിയിലെ ഈ വിജയകരമായ പരീക്ഷണം.
ENGLISH SUMMARY:
Indian Railways achieves a milestone by generating electricity through solar panels installed between railway tracks. The pilot project at Banaras Locomotive Works produced 15 kW power, setting a new benchmark in renewable energy.
