ജമ്മു കശ്മീരില് ഏറ്റുമുട്ടൽ; മൂന്ന് ഭീകരരെ വധിച്ച് സൈന്യം
ശ്രീനഗര്: ജമ്മു കശ്മീരില് ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. ഒരു സൈനികന് പരിക്കേറ്റു. ഭീകരര്ക്കെതിരായ ഓപ്പറേഷന് അഖല് മൂന്നാം ദിവസത്തിലേക്ക് കടന്നപ്പോൾ ഓപ്പറേഷനില് ഇതുവരെ വധിച്ച ഭീകരരുടെ എണ്ണം ആറായി.
ഈ വര്ഷത്തെ ഏറ്റവും വലിയ ഭീകരവിരുദ്ധ വേട്ടയാണ് കശ്മീരില് ഇപ്പോൾ നടക്കുന്നത്. തെക്കന് കശ്മീരിലെ കുല്ഗാം ജില്ലയിലെ അഖല് വനമേഖലയില് രാത്രി വൈകിയും വെടിവെപ്പുണ്ടായതായി റിപ്പോർട്ടുകൾ പറയുന്നു. സൈന്യം, സിആര്പിഎഫ്, ജമ്മു കശ്മീര് പൊലീസ് എന്നിവയുടെ സംയുക്ത സംഘവും ഭീകരരും തമ്മില് ഏറ്റുമുട്ടല് ഇപ്പോഴും തുടരുന്നതായാണ് റിപ്പോര്ട്ട്.
അഖല് വനത്തില് ഭീകരരുടെ സാന്നിധ്യമുണ്ടെന്ന രഹസ്യാന്വേഷണ വിവരത്തെത്തുടര്ന്ന് വെള്ളിയാഴ്ചയാണ് തിരച്ചില് തുടങ്ങിയത്. ഇതോടെ വനത്തില് ഒളിച്ചിരുന്ന ഭീകരര് സുരക്ഷാ സേനയ്ക്ക് നേരെ വെടിയുതിര്ക്കുകയായിരുന്നു. ശനിയാഴ്ച കൊല്ലപ്പെട്ട ഭീകരര് പഹല്ഗാം ഭീകരാക്രമണത്തിന്റെ ഉത്തരവാദിത്തം ഏറ്റെടുത്ത ദി റെസിസ്റ്റന്സ് ഫ്രണ്ടില് (ടിആര്എഫ്) പെട്ടവരാണെന്ന് സൈന്യം വ്യക്തമാക്കി.
ജമ്മു കശ്മീരില് വീണ്ടും ഭീകരരുടെ വീട് തകർത്തു. ലഷ്കര് കമാന്ഡർ ഫാറൂഖ് അഹമ്മദ് തദ്വയുടെ കുപ്വാരയിലെ വീടാണ് തകര്ത്തത്. പഹല്ഗാം ആക്രമണത്തില് ഭീകരര്ക്ക് പ്രാദേശിക സഹായം ലഭിച്ചിട്ടുണ്ടെന്നാണ് റിപ്പോർട്ട്.
നേരത്തെയും ഭീകരാക്രമണത്തില് പങ്കുള്ള മൂന്ന് ഭീകരരുടെ വീടുകള് തകര്ത്തിരുന്നു. പുല്വാമയിലെ മുറാനില് ഉള്ള അഹ്സാന് ഉല് ഹഖ് ഷെയ്ഖ്, കച്ചിപോറയിലെ ഹാരിസ് അഹമ്മദ്, ഷോപിയാനിലെ ചോട്ടിപോറയിലുള്ള ഷാഹിദ് അഹമ്മദ് കുട്ടെ എന്നിവരുടെ വീടുകളാണ് തകർത്തത്.
സ്ഫോടക വസ്തുക്കള് ഉപയോഗിച്ചാണ് ഭീകരരുടെ വീടുകള് തകര്ത്തത്. കഴിഞ്ഞ ദിവസം ആസിഫ് ഷെയ്ഖ്, ആദില് ഹുസൈന് തോക്കര് എന്നീ രണ്ടു ഭീകരവാദികളുടെ വീടുകള് തകര്ത്തിരുന്നു.
അതിനിടെ നിയന്ത്രണ രേഖയിൽ കഴിഞ്ഞ ദിവസം പാകിസ്താന് പ്രകോപനമില്ലാതെ വെടിവെപ്പ് നടത്തിയെന്ന് സൈന്യം അറിയിച്ചു. ഉടൻ തിരിച്ചടി നൽകിയെന്നും സൈന്യം വ്യക്തമാക്കി. അതേസമയം, ഭീകരർക്കായുള്ള തിരച്ചിൽ നാലാം ദിവസം തുടരുകയാണ്
In Jammu and Kashmir, the Army killed three terrorists in an encounter. One soldier was injured during the clash. As Operation Akhal entered its third day, the total number of terrorists killed so far has risen to six.
jammu-kashmir-encounter-army-kills-3-terrorists
Jammu Kashmir, Terrorists, Army, Encounter, Operation Akhal, Security Forces
