തൃശൂർ: തൃശൂരിൽ ബിഎംഡബ്ല്യു കാറിന് തീപിടിച്ചു. പാലിയേക്കര ടോൾ പ്ലാസയ്ക്ക് സമീപത്തു വെച്ചാണ് തീപിടുത്തമുണ്ടായത്. അപകടത്തിൽ കാർ പൂർണമായും കത്തി നശിച്ചു.
ടോൾ നൽകിയശേഷം കാർ മുന്നോട്ടെടുത്ത സമയത്ത് സ്പാർക്ക് ഉണ്ടാവുകയായിരുന്നു. പിന്നാലെ വാഹനം നിർത്തിയിട്ട് കാറിൽ ഉണ്ടായിരുന്നവർ പുറത്തിറങ്ങി മാറി നിന്നു. ഉടൻ തന്നെ കാറിൽ തീ പടരുകയായിരുന്നു. ഫയർഫോഴ്സ് എത്തി തീയണച്ചെങ്കിലും കാർ പൂർണമായും കത്തി നശിച്ചു.
വൈക്കത്ത് പതിമൂന്നുകാരിയെ കാണാനില്ലെന്ന് പരാതി
വൈക്കം: വൈക്കത്ത് പതിമൂന്ന് വയസ്സുകാരിയെ കാണാനില്ലെന്ന് പരാതി. വൈക്കം തോട്ടകം സ്വദേശിനി വൈഗയെയാണ് കാണാതെയായത്. സ്കൂളിൽ പോയ കുട്ടി തിരികെ എത്തിയിട്ടില്ലെന്ന് ബന്ധുക്കൾ പരാതിയിൽ പറയുന്നു.
അതിനിടെ പെൺകുട്ടി പാലക്കാട് കെഎസ്ആര്‍ടിസി പരിസരത്ത് എത്തിയതായി വിവരം ലഭിച്ചിട്ടുണ്ട്. കുട്ടിയെ കുറിച്ച് എന്തെങ്കിലും വിവരം ലഭിക്കുന്നവർ 6238608753 എന്ന നമ്പറിലോ വൈക്കം പൊലീസ് സ്റ്റേഷനിലോ ബന്ധപ്പെടുക.
