അബുദാബിയിൽ നടന്ന അന്താരാഷ്ട്ര ഡ്രോൺ റേസിങ്ങ് മത്സരത്തിൽ എ.ഐ.പൈലറ്റും ലോകത്തെ അതി വിദഗ്ദ്ധരായ മനുഷ്യ പൈലറ്റുമാരും ഏറ്റുമുട്ടി. സംഭവത്തിൽ മനുഷ്യ പൈലറ്റുമാരെ എ.ഐ. പൈലറ്റ് ബഹുദൂരം പിന്നിലാക്കി.
വേഗതയും സങ്കീർണതയും നിറഞ്ഞ മത്സരത്തിൽ ആദ്യമായാണ് മനുഷ്യ പൈലറ്റുമാരെ എ.ഐ. പിന്നിലാക്കുന്നത്. നെതർലൻഡ്‌സിലെ ഡെൽഫ്റ്റ് യൂണിവേഴ്‌സിറ്റി ഓഫ് ടെക്‌നോളജിയിൽ നിന്നുള്ള ടീം മവ്‌ലാബിന്റെ എ.ഐ.പൈലറ്റഡ് ഡ്രോൺ ആണ് മത്സരത്തിൽ വിജയിയായത്. സങ്കീർണത നിറഞ്ഞ വഴികൾ സൃഷ്ടിച്ചെങ്കിലും എ.ഐ. ഡ്രോൺ ഇതുവഴി കുതിച്ചു പാഞ്ഞു.
മത്സരത്തിൽ എ.ഐ. ഏകോപനത്തിന്റെയും കൂട്ടിയിടി ഒഴിവാക്കലിന്റെയും അതിവേഗ പരീക്ഷണമായ എ.ഐ.മൾട്ടി ഓട്ടോണമസ് ഡ്രോൺ റേസിൽ ‘ ടെക്‌നോളജി ഇന്നോവേഷൻ ഇൻസ്റ്റിട്യൂട്ട് അബുദാബി’ വിജയികളായി. നിയന്ത്രണ കമാൻഡുകൾ നേരിട്ട് മോട്ടോറുകളിലേക്ക് അയക്കാൻ കഴിയുന്ന പുതിയ സംവിധാനങ്ങളാണ് ഐ.ഐ. പൈലറ്റിങ്ങിൽ വിപ്ലവം തീർക്കുന്നത്.
