പത്താം ക്ലാസ് വിദ്യാർത്ഥിയെ കാറിനുള്ളിൽ പീഡിപ്പിച്ച സംഭവത്തിൽ 3 പേർ പിടിയിൽ. നെയ്യാറ്റിൻകര സ്വദേശികളായ ആദർശ്, അഖിൽ, അനുരാഗ് എന്നിവരെയാണ് പൂവാർ പോലീസ് പിടികൂടിയത്. തിരുവനന്തപുരം പൂവാറിൽ 28ാം തീയതി പുലർച്ചെയായിരുന്നു സംഭവം. 3 people were arrested for brutally molesting 10th class student in a car
പ്രതികൾ പെൺകുട്ടിയെ കാറിൽ കയറ്റി കൊണ്ട് പോയി പീഡിപ്പിക്കുകയായിരുന്നു. ഇവരിൽ ആദർശ് കുട്ടിക്ക് വളരെ അടുത്ത് പരിചയമുള്ള വ്യക്തിയാണ്. പൂവാറിൽ വെച്ച് ഈ കുട്ടിയെ ആദർശ് കാണുകയും കാറിൽ കയറാൻ ആവശ്യപ്പെടുകയുമായിരുന്നു.
അന്നേ ദിവസം കുട്ടിയുടെ പിറന്നാളായിരുന്നു. കുട്ടിക്ക് പിറന്നാൾ സമ്മാനം വാങ്ങിത്തരാമെന്ന് പറഞ്ഞാണ് ആദർശ് കുട്ടിയെ കാറിനുള്ളിൽ കയറ്റിയത്.
കാറിൽ കയറ്റിയ ശേഷം ഇവർ മൂവരും ചേർന്ന് കുട്ടിയെ ക്രൂരപീഡനത്തിന് ഇരയാക്കുകയായിരുന്നു. കുട്ടിയുടെ ദേഹാസ്വാസ്ഥ്യം മാതാപിതാക്കളാണ് ആദ്യം ശ്രദ്ധിച്ചത്. പിന്നീട് ഇവർ തന്നെ പൂവാർ പൊലീസിൽ പരാതിപ്പെടുകയായിരുന്നു.
