ടി.വി.കാണുന്നതിനെ തുടർന്നുള്ള തർക്കത്തിൽ യുവാവിനെ കെട്ടിയിട്ട് മർദിച്ചുകൊന്നു: അമ്മയും സഹോദരനും അറസ്റ്റിൽ

ഇടുക്കി പീരുമേട്ടിൽ യുവാവ് മർദനമേറ്റ് മരിച്ച സംഭവത്തിൽ അമ്മയെയും സഹോദരനെയും പോലീസ് അറസ്റ്റു ചെയ്തു. പ്ലാക്കത്തടം പുത്തൻവീട്ടിൽ അഖിൽ ബാബുവിനെ(31)യാണ് ചൊവ്വാഴ്ച വീടിന് സമീപം മരിച്ച നിലയിൽ കണ്ടത്. മൃതദേഹം കെട്ടിയിട്ട നിലയിലായിരുന്നു. (Youth tied up and beaten to death in dispute over watching TV: Mother and brother arrested)

ഇതോടെ സംഭവം കൊലപാതകമാണെന്ന് സംശയം ഉയർന്നു. തുടർന്ന് പോലീസ് നടത്തിയ അന്വേഷണത്തിലാണ് സംഭവങ്ങളുടെ ചുരുളഴിഞ്ഞത്. മരിച്ച അഖിലിന്റെ സഹോദരൻ അജിത്ത് , അമ്മ തുളസി എന്നിവരെ പോലീസ് അറസ്റ്റ് ചെയ്തു.

ടി.വി.കാണുന്നതിനെ തുടർന്നുണ്ടായ തർക്കം കയ്യാങ്കളിയിലെത്തിയതാണ് കെലപാതകത്തിൽ കലാശിച്ചത്. മരിച്ച അഖിലിനെ കമുകിൽ കെട്ടിയിട്ട് കമ്പിവടിക്ക് തലയ്ക്ക് അടിക്കുകയും ഹോസ് ഉപയോഗിച്ച് കഴുത്തിൽ മുറുക്കുകയുമായിരുന്നു.

സഹോദരനായ അജിത്താണ് മർദിച്ചത്. സംഭവത്തിന് കൂട്ടുനിന്നു എന്ന കുറ്റത്തിനാണ് അമ്മയെ പോലീസ് കസ്റ്റഡിയിലെടുത്തത്.