ആലപ്പുഴ: കായംകുളത്ത് വീണ്ടും നടുറോഡില് അഭ്യാസപ്രകടനവുമായി യുവാക്കൾ. ഓടിക്കൊണ്ടിരിക്കുന്ന കാറിന്റെ ഡോര് വിൻഡോയില് ഇരുന്ന് തല പുറത്തേക്കിട്ട് യാത്ര ചെയ്യുന്നതിന്റെ വീഡിയോ പുറത്ത്. ഒരു വിവാഹച്ചടങ്ങില് പങ്കെടുക്കാനെത്തിയവരാണ് അപകടകരമായ യാത്ര നടത്തിയതെന്നാണ് വിവരം.
ഇതില് കാറിലുണ്ടായിരുന്ന മൂന്ന് പേരെ പൊലീസ് കസ്റ്റഡിയിലെടുത്തു. കായംകുളം എൻഫോഴ്സ്മെന്റ് സ്ക്വാഡ് വാഹനം കസ്റ്റഡിയിലെടുത്തിട്ടുണ്ട്.
ദിവസങ്ങൾക്ക് മുമ്പും സമാനമായ രീതിയില് കായംകുളത്ത് ഓടിക്കൊണ്ടിരിക്കുന്ന കാറില് നിന്ന് തല പുറത്തേക്കിട്ട് യുവാക്കള് സാഹസിക യാത്ര നടത്തിയിരുന്നു. ഇവര്ക്കെതിരെ പിന്നീട് മോട്ടോര് വാഹന വകുപ്പ് നടപടിയുമെടുത്തിരുന്നു.
Read Also:ഇടുക്കി കുട്ടിക്കാനത്ത് ഓട്ടത്തിനിടെ തീപിടിച്ച ബൈക്കിൽ നിന്നും അദ്ഭുതകരമായി യുവാവ് രക്ഷപെട്ടു
