കോട്ടയം പാമ്പാടി നെടുംകുഴിയിൽ രണ്ട് ബൈക്കുകൾ തമ്മിൽ കൂട്ടിയിടിച്ച് അപകടം. ബുധനാഴ്ച രാത്രി എട്ടു മണിയോടു കൂടി പാമ്പാടി നെടുംകുഴിയിൽ അമ്പിളി ഗ്യാസ് ഏജൻസിക്ക് സമീപമാണ് അപകടം. അപകടത്തിൽ യുവാവ് മരിച്ചു. കോത്തല സ്വദേശി അച്ചു അനിൽ (19) ആണ് മരിച്ചത്. രണ്ടു പേർക്ക് പരിക്കേറ്റു. ഒരാളുടെ നില അതീവ ഗുരുതരമാണ്. Young man dead in bike accident in kottayam pampadi
പങ്ങട സ്വദേശി ജിജി (53), കോത്തല സി.എസ്.ഐ പള്ളിക്ക് സമീപം ഉള്ള രഞ്ജിത്ത് കല്ലോലിക്കൽ (23) എന്നിവർക്കാണ് അപകടത്തിൽ പരിക്കേറ്റത്. രണ്ടു പേരെയും ആദ്യം പാമ്പാടി താലൂക്ക് ആശുപത്രിയിൽ എത്തിച്ചു.
പ്രഥമിക ശുശ്രൂഷ നൽകിയ നൽകിയ ശേഷം കോട്ടയം മെഡിക്കൽ കോളേജിലേക്ക് തുടർ ചികിത്സക്കായി അയച്ചിരിക്കുകയാണ്. പാമ്പാടി പോലീസ് സംഭവ സ്ഥലത്ത് എത്തി മേൽ നടപടികൾ സ്വീകരിച്ചു. കൂട്ടയിടിച്ചതിന്റെ ആഘാതത്തിൽ ബൈക്കിന്റെ മുൻ വശത്തെ ചക്രം അടർന്നു മാറിയ നിലയിലാണ്.
