ചേർത്തല: ആലപ്പുഴ ചേർത്തലയിൽ ഭർത്താവ് പെട്രോൾ ഒഴിച്ച് തീകൊളുത്തിയ യുവതി മരിച്ചു. കടക്കരപ്പള്ളി വലിയവീട്ടിൽ ആതിര (32) ആണ് മരിച്ചത്. ഇന്ന് രാവിലെയാണ് ആതിരയെ ഭർത്താവ് പെട്രോൾ ഒഴിച്ച് തീകൊളുത്തിയത്. ആക്രമണത്തിനിടെ പൊള്ളലേറ്റ ഭർത്താവ് ശ്യാംജിത്ത് ചികിത്സയിലാണ്.
ചേർത്തല താലൂക്ക് ആശുപത്രിക്കു സമീപത്തു വച്ചാണ് സംഭവം. രാവിലെ ഓഫീസിലേക്ക് സ്കൂട്ടറില് വരുമ്പോള് താലൂക്ക് ആശുപത്രിക്ക് പിറക് വശത്തുള്ള മോര്ച്ചറി റോഡില് വെച്ച് ശ്യാംജിത്ത് തടഞ്ഞുനിര്ത്തുകയായിരുന്നു. തുടർന്ന് പെട്രോള് ഒഴിച്ച് തീ കൊളുത്തുകയായിരുന്നു.
ഗുരുതരമായി പൊള്ളലേറ്റ ആതിരയെ ചേർത്തല താലൂക്ക് ആശുപത്രിയിൽ പ്രവേശിപ്പിച്ചെങ്കിലും പിന്നീട് ആലപ്പുഴ മെഡിക്കൽ കോളജിലേക്കു മാറ്റിയിരുന്നു. കുടുംബവഴക്കാണ് ആക്രമണത്തിന് കാരണമെന്നാണ് നിഗമനം. കുടുംബപ്രശ്നങ്ങളെ തുടര്ന്ന് ഇരുവരും പരസ്പരം പിരിഞ്ഞാണ് കഴിയുന്നത്. ചേര്ത്തലയിലെ ഒരു സ്വകാര്യ പണമിടപാട് സ്ഥാപനത്തിലെ കസ്റ്റര് റിലേഷന് മാനേജറാണ് ആതിര.
