ബെംഗളൂരു: കര്‍ണാടകയിൽ കാട്ടാനയുടെ ആക്രമണത്തെ തുടർന്ന് മലയാളി വയോധികന്‍ മരിച്ചു. ചിക്കമംഗളൂരുവിലാണ് കാട്ടാനയുടെ ആക്രമണം ഉണ്ടായത്. കാലടി സ്വദേശി കാട്ടുകുടി ഏലിയാസ് (76) ആണ് മരിച്ചത്.(Wild elephant attack in karnataka; elderly man died)
മേയാന്‍വിട്ട എരുമയെ തിരഞ്ഞ് വനത്തിൽ എത്തിയപ്പോഴായിരുന്നു കാട്ടാനയാക്രമിച്ചത്. ഇന്ന് രാവിലെ 11 മണിയോടെയാണ് സംഭവം. കാലടി സ്വദേശിയായ ഏലിയാസ് നരസിംഹരാജ താലൂക്കിലെ മടവൂര്‍ ഗ്രാമത്തിലാണ് ഇപ്പോള്‍ താമസിക്കുന്നത്.
മകനൊപ്പമാണ് ഏലിയാസ് കാട്ടില്‍ എത്തിയത്. എന്നാൽ കാട്ടാന നിന്ന് ആക്രമിക്കുകയായിരുന്നു. തലയ്‌ക്കേറ്റ ഗുരുതര പരിക്ക് ആണ് മരണ കാരണം.
